വിവാഹച്ചടങ്ങുകളിൽ സമയത്ത് ഭക്ഷണം എത്തിച്ചുനൽകാമെന്ന് പറഞ്ഞ് മുൻകൂറായി പണം വാങ്ങിയ ശേഷം കാറ്ററിങ് സ്ഥാപനം മുങ്ങിയതായി പരാതി. കോട്ടയം കഞ്ഞിക്കുഴിയിലും മുണ്ടക്കയം ചോറ്റിയിലുമായി നടന്ന രണ്ട് വിവാഹങ്ങളിലാണ് ഭക്ഷണം മുടങ്ങിയത്.
സംഭവവുമായി ബന്ധപ്പെട്ട് കാഞ്ഞിരപ്പള്ളി ഉദയം കാറ്ററിങ്ങ് സർവീസിനെതിരെ പൊലീസ് അന്വേഷണം ആരംഭിച്ചിട്ടുണ്ട്. ഓൺലൈൻ മുഖേനയാണ് രണ്ട് വിവാഹവീട്ടുകാരും മേൽപ്പറഞ്ഞ കാറ്ററിങ് സ്ഥാപനത്തെക്കുറിച്ചുള്ള വിവരങ്ങൾ അറിയുന്നത്.
തുടർന്ന് സ്ഥാപനത്തിന്റെ നടത്തിപ്പുകാരനായ വിഷ്ണുവിന് ഇവർ മുൻകൂർ പണമായി ഒരു ലക്ഷം രൂപ വീതം നൽകുകയായിരുന്നു. കഴിഞ്ഞ ദിവസമാണ് കഞ്ഞിക്കുഴിയിലും ചോറ്റിയിലും വിവാഹച്ചടങ്ങുകൾ നടന്നത്.
എന്നാൽ നിശ്ചയിച്ച സമയമായിട്ടും ഭക്ഷണം എത്താതിരുന്നതോടെയാണ് വീട്ടുകാർ കബളിപ്പിക്കപ്പെട്ട വിവരം തിരിച്ചറിഞ്ഞത്.
ഇതേത്തുടർന്ന് മറ്റ് ഹോട്ടലുകളിൽ നിന്ന് അടിയന്തരമായി ഭക്ഷണം എത്തിച്ചാണ് അതിഥികൾക്ക് നൽകിയത്. സംഭവത്തിൽ രണ്ട് കുടുംബങ്ങളും ബന്ധപ്പെട്ട
പൊലീസിൽ പരാതി നൽകിയിട്ടുണ്ട്. കഞ്ഞിക്കുഴിയിലെ പരാതിയിൽ കോട്ടയം ഈസ്റ്റ് പൊലീസും ചോറ്റിയിലെ പരാതിയിൽ മുണ്ടക്കയം പൊലീസുമാണ് കേസ് അന്വേഷിക്കുന്നത്.
അതേസമയം, വീട്ടുകാர்களை കബളിപ്പിച്ച വിവരം സമൂഹമാധ്യമങ്ങളിൽ പ്രചരിച്ചതോടെ, സമാനമായ രീതിയിലുള്ള തട്ടിപ്പുകൾ ഈ കാറ്ററിങ് സർവീസിന്റെ ഭാഗത്തുനിന്ന് മുൻപും ഉണ്ടായിട്ടുണ്ടെന്ന് ചൂണ്ടിക്കാട്ടി നിരവധി കമന്റുകൾ വരുന്നുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
