കൊച്ചി: കൊച്ചിയിൽ ട്രെയിനിൽ നിന്ന് വീണ ഇതര സംസ്ഥാനക്കാരന് രക്ഷകരായി പൊലീസ്. വെള്ളിയാഴ്ച വൈകിട്ട് നാലരയോടെയാണ് സംഭവം. പേരണ്ടൂർ പാലത്തിനു സമീപമാണ് യുവാവിനെ ട്രെയിനിൽ നിന്ന് വീണ നിലയിൽ കണ്ടെത്തിയത്. യുവാവ് വീണതറിഞ്ഞ് ട്രെയിനും ഇവിടെ നിർത്തിയിരുന്നു. യാത്രക്കാരനായ ഡോക്ടർ യുവാവിന് ജീവനുണ്ടെന്ന് മനസിലാക്കി പൊലീസിനെ അറിയിച്ചു.
സ്ഥലത്തെത്തിയ എളമക്കര എസ്ഐയും സംഘവും നടത്തിയ സമയോചിത ഇടപെടലാണ് യുവാവിന്റെ ജീവൻ രക്ഷിച്ചത്. ട്രെയിനിൽ തന്നെ ഇടപ്പള്ളി സ്റ്റേഷനിലേക്ക് എത്തിച്ച യുവാവിനെ സ്വകാര്യ ആംബുലൻസിൽ കളമശേരി മെഡിക്കൽ കോളേജിൽ പ്രവേശിപ്പിച്ചു. തലയ്ക്കും കൈക്കും പരിക്കേറ്റ് ഇയാൾ അപകടനില തരണം ചെയ്തു. അപകടകാരണം അന്വേഷിക്കുന്നു എന്ന് പൊലീസ് പറഞ്ഞു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
