ആലപ്പുഴ ജില്ലയിലെ ചേർത്തല തണ്ണീർമുക്കം പഞ്ചായത്ത് അഞ്ചാം വാർഡിൽ നാല് പതിറ്റാണ്ടിലേറെയായി ഉപയോഗത്തിലുണ്ടായിരുന്ന വീട്ടുമുറ്റത്തെ കിണർ അപ്രതീക്ഷിതമായി താഴ്ന്നത് പ്രദേശത്ത് ആശങ്ക പരത്തി. മങ്ങാടം വേലിക്കകത്ത് ചെമ്മേഴത്ത് വീട്ടിലാണ് ഈ അപൂർവ്വ പ്രതിഭാസം ഉണ്ടായത്.
സംഭവസമയം വീട്ടിലുണ്ടായിരുന്നവരുടെ വിവരങ്ങൾ പ്രകാരം, കഴിഞ്ഞ രണ്ട് വർഷമായി കിടപ്പുരോഗിയായ നാരായണൻ (83), ഭാര്യ രത്നമ്മ (73), സഹോദരി നാരായണി (90) എന്നിവരാണ് കടുത്ത ദുരിതത്തിലായിരിക്കുന്നത്. ചൊവ്വാഴ്ച ഉച്ചയ്ക്ക് രണ്ടുമണിയോടെയാണ് മണ്ണുനിരപ്പിൽനിന്ന് രണ്ട് റിങ്ങിന്റെ പൊക്കമുണ്ടായിരുന്ന കിണർ പെട്ടെന്ന് താഴേക്ക് പതിച്ചത്.
വൃക്ഷങ്ങളാൽ ചുറ്റപ്പെട്ടുകിടക്കുന്ന ഈ കിണറിലെ ജലത്തിന് മുകളിൽ നിലവിൽ കടുത്ത വെള്ളനിറത്തിലുള്ള പത പൊങ്ങിക്കിടക്കുന്ന നിലയിലാണുള്ളത്. പ്രദേശത്ത് ജപ്പാൻ കുടിവെള്ളം ലഭിച്ചുതുടങ്ങിയതുമുതൽ കിണറിലെ വെള്ളം ഉപയോഗിക്കാറില്ലെന്ന് രത്നമ്മ മാധ്യമങ്ങളോട് വ്യക്തമാക്കി.
കടുത്ത സാമ്പത്തിക ബുദ്ധിമുട്ട് അനുഭവിക്കുന്ന ഈ വയോധിക കുടുംബത്തിന് തകർന്നടിഞ്ഞ കിണർ പുനർനിർമിക്കാനോ പുതിയൊരെണ്ണം നിർമിക്കാനോ യാതൊരുവിധ സാമ്പത്തിക ശേഷിയുമില്ല. കിണർ താഴ്ന്നതോടെ തങ്ങൾ താമസിക്കുന്ന വീടും അപകടത്തിലായി താഴേക്ക് പതിക്കുമോ എന്ന വലിയ ഭീതിയിലാണ് ഈ കുടുംബം കഴിയുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
