രാജ്യത്തൊട്ടാകെയുള്ള പാസ്പോർട്ട് സേവനങ്ങൾ താറുമാറായി. പാസ്പോർട്ട് സേവാ പോർട്ടൽ വെബ്സൈറ്റിലുണ്ടായ സാങ്കേതിക തകരാറിനെത്തുടർന്നാണ് സേവനങ്ങൾ തടസ്സപ്പെട്ടത്.
ഈ പ്രതിസന്ധിയെത്തുടർന്ന് രാജ്യവ്യാപകമായി നിരവധി അപേക്ഷകരാണ് ബുദ്ധിമുട്ടിലായത്. സെർവർ തകരാർ കാരണം പുതിയ അപ്പോയ്ന്റ്മെന്റുകൾ ബുക്ക് ചെയ്യാനോ, നിലവിലുള്ള അപ്പോയ്ന്റ്മെന്റുകളുടെ തീയതി പുനഃക്രമീകരിക്കാനോ, സമർപ്പിച്ച അപേക്ഷകൾ പരിശോധിക്കാനോ സാധിക്കാത്ത ഗുരുതരമായ സ്ഥിതിവിശേഷമാണുള്ളത്.
പ്രധാന നഗരങ്ങളിലെ പാസ്പോർട്ട് സേവാ കേന്ദ്രങ്ങളുടെയും പോസ്റ്റ് ഓഫിസ് പാസ്പോർട്ട് സേവാ കേന്ദ്രങ്ങളുടെയും ദൈനംദിന പ്രവർത്തനങ്ങളെ ഈ തകരാർ സാരമായി ബാധിച്ചിട്ടുണ്ട്. സെർവർ പൂർണ്ണമായി പണിമുടക്കിയതോടെ പലരുടെയും മുൻകൂട്ടി നിശ്ചയിച്ച അപ്പോയ്ന്റ്മെന്റുകൾ സ്വമേധയാ റദ്ദാക്കപ്പെടുന്ന സാഹചര്യവും രൂപപ്പെട്ടിട്ടുണ്ട്.
നിലവിൽ സാങ്കേതിക പ്രശ്നം പരിഹരിക്കാനുള്ള അടിയന്തര ശ്രമങ്ങൾ അധികൃതരുടെ ഭാഗത്തുനിന്ന് നടന്നുവരികയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
