സംസ്ഥാനത്തെ വൃദ്ധസദനങ്ങളുടെ പേര് മാറ്റിക്കൊണ്ട് സാമൂഹിക നീതി വകുപ്പ് ഉത്തരവ് പുറത്തിറക്കി. ഇനിമുതൽ ഇത്തരം സ്ഥാപനങ്ങൾക്ക് ‘വൃദ്ധസദനം’ എന്ന പേര് ഉപയോഗിക്കാൻ പാടില്ലെന്നും പകരം ‘സ്നേഹാലയം’ എന്ന് മാറ്റണമെന്നുമാണ് നിർദേശം.
സർക്കാർ തലത്തിലുള്ളവയും സ്വകാര്യ മേഖലയിൽ പ്രവർത്തിക്കുന്നതുമായ എല്ലാ സ്ഥാപനങ്ങൾക്കും ഈ ഉത്തരവ് കർശനമായി ബാധകമായിരിക്കും. സ്ഥാപനങ്ങളുടെ ഔദ്യോഗിക രേഖകളിലും ബോർഡുകളിലും പുതിയ പേര് ഉടൻ തന്നെ തിരുത്തണമെന്ന് മന്ത്രി വി.ഇ.അബ്ദുൽ ഗഫൂർ നിർദേശം നൽകി.
തിരുവനന്തപുരം പൂജപ്പുരയിലുള്ള സാമൂഹിക നീതി വകുപ്പിന്റെ സ്നേഹാലയം സന്ദർശിച്ചവേളയിലാണ് മന്ത്രി ഈ സുപ്രധാന പ്രഖ്യാപനം നടത്തിയത്. മനുഷ്യാവകാശ കമ്മിഷന്റെ ഭാഗത്തുനിന്നും സമാനമായ നിർദേശങ്ങൾ നേരത്തെ വന്നിരുന്നെങ്കിലും അത് പൂർണ്ണമായും നടപ്പിലാക്കാൻ സാധിച്ചിരുന്നില്ല.
ഈ സാഹചര്യത്തിലാണ് സർക്കാർ അടിയന്തരമായി പുതിയ ഉത്തരവുമായി രംഗത്തെത്തിയത്. വൃദ്ധസദനങ്ങളുടെ പേര് ‘സ്നേഹാലയം’ എന്ന് മാറ്റാൻ നേരത്തെ ഉത്തരവിറങ്ങിയിരുന്നെങ്കിലും, പലയിടങ്ങളിലും ഇപ്പോഴും പഴയ പേര് തന്നെ തുടരുന്നതായി കണ്ടെത്തിയതിനെ തുടർന്നാണ് മന്ത്രിയുടെ ഈ കർശന ഇടപെടൽ.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
