കോഴിക്കോട് ജില്ലയിലെ വടകരയിൽ നടന്ന വിവാദമായ കാഫിർ സ്ക്രീൻ ഷോട്ട് കേസുമായി ബന്ധപ്പെട്ട് അന്വേഷണം കൂടുതൽ ശക്തമാക്കി. വടകര സ്ക്വാഡ് എന്ന വാട്സാപ് ഗ്രൂപ്പിലെ അഞ്ച് അഡ്മിൻമാർക്ക് ഹാജരാകാൻ പ്രത്യേക അന്വേഷണ സംഘം (SIT) നോട്ടിസ് നൽകി.
ബുധനാഴ്ച വടകര ക്രൈംബ്രാഞ്ച് ഓഫിസിലാണ് ചോദ്യം ചെയ്യൽ നടപടികൾ നിശ്ചയിച്ചിരിക്കുന്നത്. ഈ കേസിൽ കൂടുതൽ വ്യക്തത വരുത്തുന്നതിനായി നേരത്തെ റിബേഷ് രാമകൃഷ്ണൻ (ഡിവൈഎഫ്ഐ വടകര ബ്ലോക്ക് കമ്മിറ്റി പ്രസിഡന്റ്), മനീഷ് (അമ്പാടിമുക്ക് സഖാക്കൾ ഫെയ്സ്ബുക്ക് പേജ് അഡ്മിൻ), അമൽറാം (റെഡ് ബറ്റാലിയൻ വാട്സാപ് ഗ്രൂപ്പ് അംഗം) എന്നിവരെ അന്വേഷണ സംഘം ചോദ്യം ചെയ്തിരുന്നു.
റിബേഷിന് സ്ക്രീൻ ഷോട്ട് ലഭിച്ചത് ‘വടകര സ്ക്വാഡ്’ എന്ന ഗ്രൂപ്പിൽ നിന്നാണെന്ന നിർണായക വിവരം ലഭിച്ചതോടെയാണ്, ഗ്രൂപ്പിന്റെ അഡ്മിൻമാരെയും ചോദ്യം ചെയ്യാൻ തീരുമാനിച്ചത്. ഡിവൈഎസ്പി ടി.
മനോഹരന്റെ നേതൃത്വത്തിലുള്ള സംഘമാണ് അന്വേഷണത്തിന് മേൽനോട്ടം വഹിക്കുന്നത്. ജിതിൻ ഭാസ്കർ എന്നയാളെയും അന്വേഷണ സംഘം നേരത്തെ ചോദ്യം ചെയ്യുകയും അദ്ദേഹത്തിന്റെ ഫോൺ കസ്റ്റഡിയിലെടുത്ത് ഫൊറൻസിക് പരിശോധനയ്ക്കായി അയക്കുകയും ചെയ്തിട്ടുണ്ട്.
2024-ലെ ലോക്സഭാ തിരഞ്ഞെടുപ്പിന് മുന്നോടിയായി വർഗീയ ധ്രുവീകരണം ലക്ഷ്യമിട്ടാണ് ഈ സ്ക്രീൻ ഷോട്ട് പ്രചരിപ്പിച്ചതെന്നാണ് ആരോപണം. തിരുവള്ളൂരിലെ എംഎസ്എഫ് നേതാവ് മുഹമ്മദ് കാസിമിന്റെ പേരിലാണ് ഈ സന്ദേശം വ്യാജമായി നിർമ്മിച്ച് പ്രചരിപ്പിച്ചത്.
ഇത് താനല്ല നിർമ്മിച്ചതെന്ന് കാസിം അന്നുതന്നെ പരാതി നൽകിയിരുന്നു. തുടർന്ന്, ഇടത് അനുകൂല സൈബർ ഗ്രൂപ്പുകളിൽ നിന്നാണ് സന്ദേശം ഉത്ഭവിച്ചതെന്ന് കണ്ടെത്തി.
കുറ്റ്യാടി എംഎൽഎയും മുസ്ലിം ലീഗ് സംസ്ഥാന സെക്രട്ടറിയുമായ പാറക്കൽ അബ്ദുല്ല ആഭ്യന്തരമന്ത്രി രമേശ് ചെന്നിത്തലയെ നേരിൽ കണ്ട് സമർപ്പിച്ച നിവേദനത്തെത്തുടർന്നാണ് കേസിൽ പ്രത്യേക അന്വേഷണ സംഘത്തെ നിയോഗിച്ചത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
