കുറഞ്ഞ ചെലവില്‍ ഉയര്‍ന്ന ഗുണനിലവാരമുള്ള പ്രോട്ടീന് ലഭ്യമാകുന്ന മികച്ച ഭക്ഷണപദാര്‍ഥങ്ങളില്‍ ഒന്നാണ് മുട്ട. പേശികളുടെ വളര്‍ച്ച ലക്ഷ്യമിട്ട് ജിമ്മില്‍ വ്യായാമം ചെയ്യുന്നവരെ സംബന്ധിച്ച് മുട്ട
ഒഴിവാക്കാനാവാത്ത ഒന്നാണ്. പ്രോട്ടീന് പുറമെ തലച്ചോറിന്റെ പ്രവര്‍ത്തനം സുഗമമാക്കുന്നതിനും കണ്ണിന്റെ ആരോഗ്യം സംരക്ഷിക്കുന്നതിനും രോഗപ്രതിരോധ ശേഷി വര്‍ധിപ്പിക്കുന്നതിനുമെല്ലാം ആവശ്യമായ വിവിധ വിറ്റമിനുകളും ഖനിജലവണങ്ങളും മുട്ടയില അടങ്ങിയിട്ടുണ്ട്.
എന്നാല്‍, മുട്ട അമിതമായി കഴിക്കുന്നത് ആരോഗ്യത്തിന് ഹാനികരമാകുമോ? മുട്ട
പതിവായി കഴിക്കുന്നവരില്‍ കൊളസ്‌ട്രോള്‍ വര്‍ധിക്കുമെന്നത് യാഥാര്‍ഥ്യമാണോ? ഈ വിഷയത്തിന്റെ വസ്തുതകള്‍ പരിശോധിക്കാം. ദിവസേന എത്ര മുട്ട
വരെ കഴിക്കാം? മുതിര്‍ന്ന ഒരാള്‍ തങ്ങളുടെ ആഹാരക്രമത്തില്‍ ദിവസവും 1 മുതല്‍ 3 മുട്ടകള്‍ വരെ ഉള്‍പ്പെടുത്താമെന്നാണ് ആരോഗ്യ വിദഗ്ധരുടെ പൊതുവായ നിര്‍ദേശം. സാധാരണയായി നാലോ അഞ്ചോ മുട്ടകള്‍ വരെ സുരക്ഷിതമായി കഴിക്കാന്‍ സാധിക്കും.
എങ്കിലും, ഒരാള്‍ക്ക് എത്ര മുട്ടകള്‍ സുരക്ഷിതമായി കഴിക്കാമെന്നത് അയാളുടെ പ്രായം, ശാരീരിക പ്രവര്‍ത്തനങ്ങള്‍, വ്യായാമ രീതികള്‍ തുടങ്ങിയ ഘടകങ്ങളെ ആശ്രയിച്ചിരിക്കുന്നു. മുട്ടയുടെ മഞ്ഞക്കരുവിലെ കൊളസ്‌ട്രോള്‍ എല്ലാവരിലും ഒരേ അളവിലല്ല രക്തത്തിലെ കൊളസ്‌ട്രോളിനെ സ്വാധീനിക്കുന്നത്.
ഇതിനോടൊപ്പം കഴിക്കുന്ന മറ്റ് ഭക്ഷണങ്ങളും ഇവിടെ നിര്‍ണായകമാണ്. മുട്ടയ്‌ക്കൊപ്പം കഴിക്കുന്ന ആഹാരങ്ങളിലെ പൂരിത കൊഴുപ്പുകള്‍ (സാച്യുറേറ്റഡ് ഫാറ്റ്), ട്രാന്‍സ് ഫാറ്റ് എന്നിവ കര്‍ശനമായി ശ്രദ്ധിക്കേണ്ടതുണ്ട്.
സാധാരണയായി മുട്ട പുഴുങ്ങി കഴിക്കുന്നതാണ് ഏറ്റവും സുരക്ഷിതം.
എന്നാല്‍ ചീസ്, അമിതമായ അളവില്‍ വെണ്ണ, വെളിച്ചെണ്ണ, ചുവന്ന മാംസം (റെഡ് മീറ്റ്) എന്നിവയോടൊപ്പം ചേര്‍ത്ത് പാചകം ചെയ്യുമ്പോഴോ അല്ലെങ്കില്‍ അമിതമായി പ്രൊസസ് ചെയ്ത് കഴുമ്പോഴോ കൊളസ്‌ട്രോള്‍ സംബന്ധമായ ആരോഗ്യ പ്രശ്‌നങ്ങള്‍ ഉണ്ടാകാനുള്ള സാധ്യത വര്‍ധിക്കുന്നു. തീവ്രമായ രീതിയില്‍ പേശികളെ ശക്തിപ്പെടുത്തുന്ന വ്യായാമങ്ങള്‍ ചെയ്യുന്നവരും കൂടുതല്‍ പ്രോട്ടീന് ആവശ്യമുളളവരുമാണെങ്കില്‍, മുട്ടയുടെ മഞ്ഞക്കരുവിന്റെ അളവ് കുറച്ച് വെള്ള മാത്രം ഉപയോഗിക്കുന്നത് ഗുണം ചെയ്യും.
എങ്കിലും ഒന്നോ രണ്ടോ മുട്ടയുടെ മഞ്ഞക്കരു ഭക്ഷണത്തില്‍ ഉള്‍പ്പെടുത്തുന്നത് സുരക്ഷിതമാണ്. മുട്ട
കൊളസ്‌ട്രോള്‍ വര്‍ധിപ്പിക്കുമോ? മുട്ടയും ഹൃദ്രോഗങ്ങളും തമ്മിലുള്ള ബന്ധം സങ്കീര്‍ണമാണ്. ആരോഗ്യവാനായ ഒരു വ്യക്തിയെ സംബന്ധിച്ചിടത്തോളം മിതമായ അളവില്‍ മുട്ട
ആഹാരത്തിന്റെ ഭാഗമാക്കുന്നത് തികച്ചും സുരക്ഷിതമാണ്. ഭക്ഷണത്തിലൂടെ ശരീരത്തിലേക്ക് കൊളസ്‌ട്രോള്‍ എത്തുമ്പോള്‍ ചിലരില്‍ രക്തത്തിലെ കൊളസ്‌ട്രോളിന്റെ അളവ് ഉയരാന്‍ ഇടയുണ്ട്.
അതിനാല്‍ ഉയര്‍ന്ന എല്‍.ഡി.എല്‍ (LDL) കൊളസ്‌ട്രോള്‍ ഉള്ളവര്‍, പാരമ്പര്യമായി കൊളസ്‌ട്രോള്‍ പ്രശ്‌നങ്ങളുള്ളവര്‍, ഹൃദ്രോഗ സാധ്യതയുള്ളവര്‍ എന്നിവര്‍ കൂടുതല്‍ മുട്ടകള്‍ കഴിക്കുമ്പോള്‍ പ്രത്യേക ജാഗ്രത പാലിക്കേണ്ടതാണ്. ഇത്തരം വിഭാഗത്തില്‍ പെടുന്നവര്‍ വിദഗ്ധരായ ഡോക്ടര്‍മാരുടെ നിര്‍ദേശപ്രകാരം മാത്രം ആഹാരക്രമം പാലിക്കുക.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
