സംസ്ഥാന ജില്ലാ ഭാരവാഹികളിൽ മാറ്റം വരുത്തി മുസ്‌ലിം ലീഗ്; ശ്യാം സുന്ദർ വൈസ് പ്രസിഡന്റ്

സംഘടനയിൽ ‘ഒരാൾക്ക് ഒറ്റ പദവി’ എന്ന കർശന നിലപാട് നടപ്പിലാക്കുന്നതിന്റെ ഭാഗമായി മുസ്‌ലിം ലീഗ് സംസ്ഥാന–ജില്ലാ നേതൃനിരയിൽ അഴിച്ചുപണി നടത്തി. സംസ്ഥാന ഭാരവാഹികളിൽ ചിലർ നിയമസഭാ സാമാജികരായി മാറിയ സാഹചര്യത്തിലാണ് സംഘടനാ തലത്തിൽ പുതിയ നിയമനങ്ങൾ പ്രഖ്യാപിച്ചത്.

ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾ ആണ് പുതിയ ഭാരവാഹികളുടെ പട്ടിക പുറത്തുവിട്ടത്. ഡിവൈഎഫ്ഐ മുൻ സംസ്ഥാന ട്രഷറർ കൂടിയായ ശ്യാം സുന്ദർ ലീഗിന്റെ പുതിയ വൈസ് പ്രസിഡന്റായി ചുമതലയേറ്റു.

മുസ്‌ലിം സമുദായത്തിനു പുറത്തുനിന്നൊരാൾ ഈ ഉന്നത പദവിയിലെത്തുന്നത് ചരിത്രത്തിൽാദ്യമായാണ്. സംസ്ഥാന ಹಾಗೂ ജില്ലാ തലങ്ങളിൽ പ്രധാന പദവികൾ വഹിച്ചിരുന്ന എൻ.ഷംസുദ്ദീൻ, കെ.എം.ഷാജി, പാറക്കൽ അബ്ദുല്ല, ആബിദ് ഹുസൈൻ തങ്ങൾ, കല്ലത്ര മായിൻഹാജി, വി.ഇ.അബ്‌ദുൽ ഗഫൂർ എന്നിവർ അടുത്തിടെ നടന്ന നിയമസഭാ തിരഞ്ഞെടുപ്പിലൂടെ എംഎൽഎമാരായി മാറിയിരുന്നു.

ഇതിനെത്തുടർന്നാണ് ഒറ്റപദവി ചട്ടം കർശനമായി നടപ്പിലാക്കിയത്. പുതിയ മാറ്റങ്ങളുടെ ഭാഗമായി പി.അബ്ദുൽ ഹമീദ് (മലപ്പുറം), എ.അബ്‌ദുറഹ്മാൻ (കാസർകോട്), ശ്യാം സുന്ദർ (ഹരിപ്പാട്) എന്നിവരെ സംസ്ഥാന വൈസ് പ്രസിഡന്റുമാരായി തിരഞ്ഞെടുത്തു.

പി.ഉബൈദുല്ല (മലപ്പുറം), കമാൽ മാക്കിയിൽ (ആലപ്പുഴ), റഫീഖ് മണിമല (കോട്ടയം) എന്നിവരെ പുതിയ സംസ്ഥാന സെക്രട്ടറിമാരായും നിയമിച്ചു. കൂടാതെ, സംസ്ഥാന സെക്രട്ടേറിയറ്റിലേക്ക് ജി.മാഹീൻ അബൂബക്കർ (തിരുവനന്തപുരം), മുഹമ്മദ് ടി പാറാട് (കണ്ണൂർ) എന്നിവരെയും ഉൾപ്പെടുത്തിയിട്ടുണ്ട്.

ആറ് ജില്ലകളിലെ നേതൃനിരയിലും കാര്യമായ മാറ്റങ്ങൾ വരുത്തിയിട്ടുണ്ട്. തിരുവനന്തപുരം ജില്ലാ കമ്മിറ്റി പ്രസിഡന്റായി നിസാർ മുഹമ്മദ് സുൽഫിയെയും ജനറൽ സെക്രട്ടറിയായി എം.മാഹീൻ അബൂബക്കർ കാട്ടാക്കടയേയും ചുമതലപ്പെടുത്തി.

ഹാരിസ് കരമന, ജസീം മഹാണി, ഫറാസ് മാറ്റപ്പള്ളി എന്നിവരാണ് പുതിയ ജില്ലാ സെക്രട്ടറിമാർ. കൊല്ലം ജില്ലാ ജനറൽ സെക്രട്ടറിയായി പോരേടം ബദറിനെയും സെക്രട്ടറിയായി കാട്ടൂർ ബഷീറിനെയും തിരഞ്ഞെടുത്തു.

എറണാകുളം ജില്ലാ മുസ്‌ലിം ലീഗ് ജനറൽ സെക്രട്ടറിയായി അഷ്റഫ് മൂപ്പനെയും ട്രഷററായി കെ.എച്ച്.മുഹമ്മദ് കുഞ്ഞിയെയും വൈസ് പ്രസിഡന്റായി പി.എ.അഹമ്മദ് കബീറിനെയും നിയമിച്ചു. മലപ്പുറം ജില്ലാ ജനറൽ സെക്രട്ടറിയായി മുൻ എംഎൽഎ എം.ഉമറിനെയും (മഞ്ചേരി) സെക്രട്ടറിമാരായി ശരീഫ് കുറ്റൂർ, മുജീബ് കാടേരി എന്നിവരെയും നിയമിച്ചു.

കോഴിക്കോട് ജില്ലാ പ്രസിഡന്റായി ടി.ടി.ഇസ്മായിലിനെയും ജനറൽ സെക്രട്ടറിയായി സൂപ്പി നരിക്കാട്ടിരിയേയും ട്രഷററായി എൻ.സി.അബൂബക്കറിനെയും തിരഞ്ഞെടുത്തു. എൻ.പി.മുഹമ്മദാലി (നാദാപുരം), അനീഷ് ആദം (കോഴിക്കോട്), കെ.വി.മുഹമ്മദ് (താമരശ്ശേരി) എന്നിവരാണ് പുതിയ വൈസ് പ്രസിഡന്റുമാർ.

പി.കെ.ഷറഫുദ്ദീൻ, കെ.എം.എ.റഷീദ് (ഇരുവരും കുന്നമംഗലം), റിയാസ് അരീക്കാട് (ബേപ്പൂർ), ടി.മൊയ്തീൻകോയ (കൊടുവള്ളി) എന്നിവരെ ജില്ലാ സെക്രട്ടറിമാരായും നിശ്ചയിച്ചു. കാസർകോട് ജില്ലാ പ്രസിഡന്റായി മുൻ എംഎൽഎ എൻ.എ.

നെല്ലിക്കുന്നിനെയും ജനറൽ സെക്രട്ടറിയായി പി.എം.മുനീർ ഹാജിയെയും ട്രഷററായി കെ.ഇ.എ.ബക്കറിനെയും നിയമിച്ചു. വി.കെ.ബാവ (തൃക്കരിപ്പൂർ), കെ.എം.അബ്‌ദു റഹ്മാൻ എന്നിവരാണ് പുതിയ വൈസ് പ്രസിഡന്റുമാർ.

ജില്ലാ സെക്രട്ടറിയായി അഷ്‌റഫ് എടനീരിനെയും തിരഞ്ഞെടുത്തു. ലീഗിന് 20 ബോർഡ്, കോർപറേഷൻ അധ്യക്ഷ പദവികൾ
യുഡിഎഫിൽ ഘടകകക്ഷികൾക്കുള്ള ബോർഡ് – കോർപറേഷൻ പദവികളുടെ വീതംവയ്പ്പിലും കഴിഞ്ഞ ദിവസം അന്തിമ ധാരണയായി.

ഇതുപ്രകാരം മുസ്‌ലിം ലീഗിന് ഇരുപതും കേരള കോൺഗ്രസിന് ഏഴും ആർഎസ്‌പിക്ക് മൂന്നും മറ്റ് ഘടകകക്ഷികൾക്ക് ഓരോ അധ്യക്ഷ സ്ഥാനവും നൽകാനാണ് തീരുമാനം. മുൻ എംഎൽഎ പി.അബ്ദു‌ൽ ഹമീദ്, മുൻ മലപ്പുറം നഗരസഭാ ചെയർമാൻ മുജീബ് കാടേരി, എം.സി.മായിൻ ഹാജി, ഞെരളത്ത് ഹരിഗോവിന്ദൻ, ഷാഫി ചാലിയം, പി.സുരേന്ദ്രൻ, പി.എം.സാദിഖലി, സി.പി.

സെയ്തലവി, ഉമർ പാണ്ടികശാല, വനിതാ ലീഗിൽ നിന്ന് ജയന്തി രാജൻ, സുഹ്‌റ മമ്പാട് തുടങ്ങിയവരെയാണ് ബോർഡ്, കോർപറേഷൻ അധ്യക്ഷ പദവികളിലേക്കും അംഗങ്ങളായും മുസ്‌ലിം ലീഗ് നിർദേശിച്ചിട്ടുള്ളത്. 63 എംഎൽഎമാരുള്ള കോൺഗ്രസിനാകും യുഡിഎഫിൽ ബോർഡ് കോർപറേഷൻ പദവികളിൽ മുൻതൂക്കം ലഭിക്കുക.

ഘടകകക്ഷികൾ അധ്യക്ഷ പദവിയിൽ എത്തുന്ന സാഹചര്യങ്ങളിൽ കോൺഗ്രസിന് അംഗങ്ങളായും അധ്യക്ഷപദവി കോൺഗ്രസിന് ലഭിക്കുന്ന ബോർഡ്, കോർേഷനുകളിൽ ഘടകകക്ഷികൾക്ക് അംഗങ്ങളായും ഇടം ലഭിക്കുന്ന ഫോർമുലയാണ് ചർച്ച ചെയ്തത്. ഇതുപ്രകാരം ന്യൂനപക്ഷ കമ്മിഷൻ, പിന്നാക്ക വിഭാഗ കമ്മിഷൻ, വനിതാ കമ്മിഷൻ തുടങ്ങിയവയിൽ ലീഗിന് അർഹമായ പ്രാതിനിധ്യം ലഭിക്കും.

മാണി സി. കാപ്പന് നോർക്ക വൈസ് ചെയർമാൻ പദവിയും കേരള കോൺഗ്രസ് ചെയർമാൻ പി.ജെ.ജോസഫിന് കാബിനറ്റ് പദവിയോടെ വയോജന കമ്മിഷൻ ചെയർമാൻ സ്ഥാനവും നൽകാൻ മുന്നണി ചർച്ചകളിൽ ഏകദേശ ധാരണയായിട്ടുണ്ട്.

കേരളത്തിന്റെ ചുമതലയുളള എഐസിസി ജനറൽ സെക്രട്ടറി ദീപ ദാസ് മുൻഷിക്ക് ഇതുസംബന്ധിച്ച പട്ടിക കഴിഞ്ഞ ദിവസം കൈമാറി. മറ്റ് മാറ്റങ്ങളില്ലെങ്കിൽ വെള്ളിയാഴ്ച നടക്കുന്ന മന്ത്രിസഭാ യോഗത്തിൽ ഇതു സംബന്ധിച്ച പ്രഖ്യാപനം ഉണ്ടാകും.