കോഴിക്കോട് ജില്ലയിലെ മുക്കം തോട്ടുമുക്കത്ത് കരിങ്കല് ക്വാറിയില് നിന്നുള്ള സ്ലറി മാലിന്യം പുറത്തേക്കൊഴുകി പുഴയില് കലര്ന്ന് ജലം പൂർണ്ണമായും മലിനമായി. പ്രദേശത്ത് പ്രവര്ത്തിക്കുന്ന ക്വാറിയുടെ സ്ലറി ടാങ്ക് പൊട്ടി തോട്ടുമുക്കം ചെറുപുഴയിലേക്ക് മാലിന്യം ഒഴുകി ഇറങ്ങുകയായിരുന്നു.
ചാലിയാറിലേക്ക് ഒഴുകിയെത്തുന്ന ചെറുപുഴയിലാണ് വലിയ തോതില് സ്ലറി മാലിന്യം കലര്ന്നത്. ഇതിനെത്തുടർന്ന് പുഴയിലെ വെള്ളത്തിന്റെ നിറം പൂർണ്ണമായും മാറി.
പുഴയിലെ വെള്ളം കുളിക്കാനോ മറ്റ് ആവശ്യങ്ങള്ക്കോ ഉപയോഗിക്കാന് കഴിയാത്ത അവസ്ഥയിലാണെന്ന് പ്രദേശവാസികള് വ്യക്തമാക്കുന്നു. പുഴയുടെ ഇരുതീരങ്ങളിലുമായി പ്രദേശവാസികള് ആശ്രയിക്കുന്ന നിരവധി കുടിവെള്ള സ്രോതസ്സുകളും കുളിക്കടവുകളുമാണ് ഉള്ളത്.
സ്ലറി കലര്ന്നതോടെ ഇവയെല്ലാം പൂര്ണ്ണമായും ഉപയോഗശൂന്യമായി മാറിയിരിക്കുകയാണ്. പനമ്പിലാവ് ഭാഗത്തിന് മുകളിലായി പ്രവര്ത്തിക്കുന്ന ക്രഷറില് നിന്നാണ് സ്ലറി പുഴയിലേക്ക് ഒഴുകിയെത്തിയതെന്നാണ് നാട്ടുകാരുടെ പ്രാഥമിക നിഗമനം.
സംഭവത്തില് അധികൃതര് അടിയന്തരമായി ഇടപെടണമെന്നും കുടിവെള്ളം മുട്ടിച്ച ക്രഷര് ഉടമകള്ക്കെതിരെ കര്ശന നടപടി സ്വീകരിക്കണമെന്നും നാട്ടുകാര് ആവശ്യപ്പെടുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
