ദിവസേനയുള്ള ജോലികൾ എളുപ്പമാക്കാൻ ഗൂഗിൾ സെർച്ചിലെ ഈ ഹിഡൻ ടൂളുകൾ ഉപയോഗിക്കൂ

ചെറിയ കണക്കുകൂട്ടലുകൾക്കോ അളവുകൾ മാറ്റുന്നതിനോ വിവരങ്ങൾ തിരയുന്നതിനോ നാം പ്രധാനമായും ആശ്രയിക്കുന്നത് ഗൂഗിൾ സെർച്ചിനെയാണ്. എന്നാൽ സെർച്ചിന് ഇതിലും വലിയ കാര്യങ്ങൾ ചെയ്യാൻ സാധിക്കുമെന്നതാണ് വസ്തുത.

പലപ്പോഴും പുതിയ ആപ്പുകൾ ഇൻസ്റ്റാൾ ചെയ്യുന്നതിൽ നിന്നോ നിലവിലെ ജോലികൾക്കിടയിൽ തടസ്സങ്ങൾ ഉണ്ടാകുന്നതിൽ നിന്നോ ഒഴിവാക്കാൻ സഹായിക്കുന്ന നിരവധി സൗകര്യപ്രദമായ ടൂളുകൾ ഇതിൽ ഉൾപ്പെടുത്തിയിട്ടുണ്ട്. ഇവയിൽ ചിലത് ദൈനംദിന കാര്യങ്ങൾക്ക് ഏറെ പ്രയോജനപ്പെടുമ്പോൾ മറ്റു ചിലത് വിനോദത്തിനായി ഉപയോഗിക്കാവുന്നവയുമാണ്.

ഗൂഗിൾ സെർച്ച് ടൈമറായും സ്റ്റോപ്പ് വാച്ചായും ഉപയോഗിക്കാം ഏതെങ്കിലും കാര്യത്തിന് കൃത്യമായ സമയം സെറ്റ് ചെയ്യേണ്ടി വരുമ്പോൾ ഫോണിലെ ക്ലോക്ക് ആപ്പ് തുറക്കുകയാണ് നമ്മിൽ പലരുടെയും പതിവ്. എന്നാൽ ബ്രൗസർ ഒഴിവാക്കാതെ തന്നെ ഈ ആവശ്യങ്ങൾ നടപ്പിലാക്കാം.

ഫോണിലോ കമ്പ്യൂട്ടറിലോ ഗൂഗിൾ സെർച്ച് വഴി ഉപയോഗിക്കാവുന്ന ഇൻബിൽറ്റ് ടൈമറും സ്റ്റോപ്പ് വാച്ചും ഇതിലുണ്ട്. ടൈം സെറ്റ് ചെയ്യാൻ സെർച്ച് ബാറിൽ timer എന്ന് ടൈപ്പ് ചെയ്താൽ മതിയാകും.

ഇത് സെർച്ച് ഫലങ്ങൾക്ക് മുകളിലായി ഒരു ഇൻ്ററാക്ടീവ് ടൈമർ ലഭ്യമാക്കും. സാധാരണയായി ഇത് അഞ്ച് മിനിറ്റായിട്ടായിരിക്കും സെറ്റ് ചെയ്തിട്ടുണ്ടാവുക.

ആവശ്യാനുസരണം ഇതിന്റെ സമയം മാറ്റാവുന്നതാണ്. ഇത് കൂടാതെ കമ്പ്യൂട്ടറിൽ പ്രവർത്തിക്കുമ്പോൾ സമയം വ്യക്തമായി കാണുന്നതിനായി ഫുൾ സ്ക്രീൻ ഓപ്ഷനും ലഭ്യമാണ്.

കൃത്യമായ സമയം അളക്കാനായി stopwatch എന്ന് സെർച്ച് ചെയ്താൽ ഈ ടൂൾ ഉപയോഗിക്കാൻ സാധിക്കും. ലളിതമായ ഗണിതക്രിയകൾക്കായി കാൽക്കുലേറ്റർ ആപ്പ് ഒഴിവാക്കാം എല്ലാ കാര്യങ്ങൾക്കും കാൽക്കുലേറ്റർ ആപ്പ് തുറക്കേണ്ട

ആവശ്യമില്ല. ലളിതമായ ഗണിതക്രിയകൾ മുതൽ സങ്കീർണ്ണമായ കണക്കുകൂട്ടലുകൾ വരെ ഗൂഗിൾ സെർച്ചിലൂടെ എളുപ്പത്തിൽ ചെയ്യാം.

ശതമാനങ്ങൾ കണക്കാക്കാനോ ചെലവുകൾ കൂട്ടാനോ വിലക്കുറവുള്ള ഉൽപ്പന്നങ്ങളുടെ വില കണ്ടെത്താനോ ഈ സംവിധാനം സഹായിക്കും. ഇതിനുപുറമെ അളവുകൾ മാറ്റിയെടുക്കുന്നതിനുള്ള യൂണിറ്റ് കൺവെർട്ടറും ഇതിൽ ഉൾപ്പെടുത്തിയിട്ടുണ്ട്.

10 miles in kilometers അല്ലെങ്കിൽ 200 degrees Celsius in Fahrenheit എന്ന് ടൈപ്പ് ചെയ്താൽ ഗൂഗിൾ കൃത്യമായ ഫലം തൽക്ഷണം പ്രദർശിപ്പിക്കും. ഡിജിറ്റൽ ലെവൽ ടൂൾ ചുവരിൽ ഫോട്ടോ ഫ്രെയിമുകളോ ഷെൽഫുകളോ ഉറപ്പിക്കാൻ ശ്രമിച്ചിട്ടുള്ളവർക്ക് സ്പിരിറ്റ് ലെവലിന്റെ പ്രാധാന്യം അറിയാൻ സാധിക്കും.

എന്നാൽ ഇത്തരം ചെറിയ ആവശ്യങ്ങൾക്കായി പ്രത്യേകം ആപ്പുകൾ ഡൗൺലോഡ് ചെയ്യേണ്ടതില്ല. ഫോണിൽ ഗൂഗിൾ സെർച്ച് തുറന്ന് bubble level അല്ലെങ്കിൽ spirit level എന്ന് ടൈപ്പ് ചെയ്താൽ ഈ ടൂൾ ഉപയോഗിക്കാം.

ഫോണിന്റെ മോഷൻ, ഓറിയന്റേഷൻ സെൻസറുകൾ ഉപയോഗിച്ചാണ് ഇത് പ്രവർത്തിക്കുന്നത്. തീരുമാനങ്ങൾ എടുക്കാൻ ബുദ്ധിമുട്ടുമ്പോൾ രണ്ട് കാര്യങ്ങളിൽ ഏത് തിരഞ്ഞെടുക്കണമെന്ന് അറിയാതെ കുടുങ്ങിപ്പോകുന്ന അവസരങ്ങളിൽ സഹായിക്കാൻ ചില ടൂളുകൾ ഗൂഗിൾ സെർച്ചിലുണ്ട്.

നാണയം ചുഴറ്റുന്നതിനായി flip a coin എന്നും, ഡൈസ് ഉരുട്ടുന്നതിനായി roll a die എന്നും സെർച്ച് ചെയ്താൽ ഈ ഡിജിറ്റൽ സംവിധാനങ്ങൾ ഉപയോഗിക്കാനാകും. കൂടാതെ സ്പിന്നർ ഉപയോഗിച്ച് ക്രമരഹിതമായി തീരുമാനങ്ങൾ എടുക്കാനും സാധിക്കും.

ക്രിയേറ്റീവ് പ്രോജക്ടുകൾക്കും സംഗീത പരിശീലനത്തിനും ഡിസൈൻ ജോലികൾ ചെയ്യുമ്പോൾ കൃത്യമായ നിറം കണ്ടെത്താൻ സഹായിക്കുന്ന color picker ഉം സംഗീത പരിശീലനത്തിന് സഹായിക്കുന്ന metronome ഉം ഗൂഗിൾ സെർച്ചിൽ ലഭ്യമാണ്. എല്ലാ കാര്യങ്ങൾക്കും പ്രത്യേകം ആപ്പുകൾ ആശ്രയിക്കുന്നതിന് പകരം ദൈനംദിന ജോലികൾ എളുപ്പമാക്കാൻ ഈ സംവിധാനങ്ങൾ പ്രയോജനപ്പെടുത്താം.