പശ്ചിമേഷ്യയിലെ നിലവിലെ സംഘർഷാവസ്ഥ സംബന്ധിച്ച് നിർണായക ചർച്ചയുമായി ഇന്ത്യൻ പ്രധാനമന്ത്രി നരേന്ദ്ര മോദിയും ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹും. ടെലിഫോൺ സംഭാഷണത്തിലൂടെയാണ് ഇരുനേതാക്കളും മേഖലയിലെ സാഹചര്യം വിലയിരുത്തിയത്.
ഇന്ത്യ-ഇസ്രായേൽ തന്ത്രപരമായ ബന്ധങ്ങളിലെ പുരോഗതിയും ഇരുവരും തമ്മിലുള്ള കൂടിക്കാഴ്ചയിൽ അവലോകനം ചെയ്യപ്പെട്ടു. ഉഭയകക്ഷി ബന്ധം കൂടുതൽ ദൃഢമാക്കുന്നതിനുള്ള വിവിധ മാർഗങ്ങളെക്കുറിച്ചും നേതാക്കൾ ചർച്ച നടത്തി.
ഇതുമായി ബന്ധപ്പെട്ട് ഔദ്യോഗിക വൃത്തങ്ങൾ പങ്കുവെച്ച വിവരങ്ങൾ ഇങ്ങനെയാണ്: “ഇന്ത്യ-ഇസ്രായേൽ പ്രത്യേക തന്ത്രപരമായ പങ്കാളിത്തത്തിലെ സുസ്ഥിരമായ പുരോഗതി ഇരു നേതാക്കളും അവലോകനം ചെയ്യുകയും ഇരു രാജ്യങ്ങളുടെയും പരസ്പര നേട്ടത്തിനായി വിവിധ മേഖലകളിലെ ഉഭയകക്ഷി സഹകരണം കൂടുതൽ ശക്തിപ്പെടുത്തുന്നതിനുള്ള പ്രതിബദ്ധത വീണ്ടും ഉറപ്പിക്കുകയും ചെയ്തു,” മേഖലയിലെ സമാധാനാന്തരീക്ഷം വീണ്ടെടുക്കുന്നതുമായി ബന്ധപ്പെട്ട വിവിധ വിഷയങ്ങളും ചർച്ചയിൽ കടന്നുവന്നതായാണ് റിപ്പോർട്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
