മണ്ഡല പുനര്നിര്ണയ ബില്ലടക്കമുള്ള വിഷയങ്ങള് പരിഗണിക്കുന്നതിനായി പാര്ലമെന്റിന്റെ പ്രത്യേക സമ്മേളനം വിളിച്ചുചേര്ക്കുമെന്ന പ്രചാരണം കേന്ദ്രസര്ക്കാര് ഔദ്യോഗികമായി തള്ളി. നിലവിലുള്ള സാഹചര്യത്തില് പ്രത്യേക പാര്ലമെന്റ് സമ്മേളനം വിളിക്കാനോ, അല്ലെങ്കില് നടക്കാനിരിക്കുന്ന വര്ഷകാല സമ്മേളനത്തിന്റെ കാലാവധി ദീര്ഘിപ്പിക്കാനോ യാതൊരുവിധ പദ്ധതിയുമില്ലെന്ന് കേന്ദ്ര പാര്ലമെന്ററി കാര്യ മന്ത്രി കിരണ് റിജിജു വ്യക്തമാക്കി.
അതേസമയം, എഫ്സിആര്എ (FCRA) നിയമഭേദഗതിയുമായി ബന്ധപ്പെട്ട പുതിയ ബില്ലുകള് പാര്ലമെന്റില് അവതരിപ്പിച്ചേക്കുമെന്ന സൂചനകളും ശക്തമായി നിലനില്ക്കുന്നുണ്ട്.
കടുത്ത രാഷ്ട്രീയ ചര്ച്ചകള്ക്ക് വഴിവെച്ച സംഭവവികാസങ്ങളുടെ പശ്ചാത്തലത്തിലാണ് ഈ വിശദീകരണം. കഴിഞ്ഞ ഏപ്രില് മാസത്തില് പ്രത്യേക സമ്മേളനം ചേര്ന്നവേളയില് വനിതാ സംവരണ ബില്ലിനൊപ്പം മണ്ഡല പുനര്നിര്ണയ ബില്ലും സഭയുടെ പരിഗണനയ്ക്ക് കൊണ്ടുവന്നിരുന്നു.
എന്നാല് ആവശ്യമായ മൂന്നില് രണ്ട് ഭൂരിപക്ഷം ലഭ്യമാകാതെ പോയതിനാല് അന്ന് ആ ബില് പാസാക്കാനാകാതെ പരാജയപ്പെടുകയായിരുന്നു. തുടര്ന്നുള്ള രാഷ്ട്രീയ നീക്കങ്ങളുടെ ഭാഗമായി തൃണമൂല് ഉള്പ്പെടെയുള്ള കക്ഷികളുടെ നിലപാടുകള് നിര്ണായകമാകും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
