അമേരിക്കയെ പരിഹസിച്ച് സിയറ ലിയോണിലെ ഇറാൻ എംബസി രംഗത്ത്. ‘ഹബീബി, (അങ്കിൾ സാം) ഇറാനിലേക്ക് വരൂ’ എന്ന തലക്കെട്ടിലുള്ള എക്സ് പോസ്റ്റിലൂടെയാണ് ഇറാന്റെ പുതിയ നടപടി.
ഹോർമുസ് കടലിടുക്കിന്റെ ത്രീഡി ഭൂപടത്തിനു പുറത്ത് മൈൻസ്വീപ്പർ ഗെയിം കളിക്കുന്നതിന്റെ 35 സെക്കന്റ് ദൈർഘ്യമുള്ള വിഡിയോയും ഇതിനോടൊപ്പം സിയറ ലിയോണിലെ ഇറാൻ എംബസി എക്സിൽ പങ്കുവെച്ചിട്ടുണ്ട്. അമേരിക്കയെ മനുഷ്യരൂപത്തിൽ പ്രതിനിധീകരിക്കുന്ന കാർട്ടൂൺ ചിത്രത്തിന്റെ പേരാണ് അങ്കിൾ സാം.
യുഎസും ഇറാനും തമ്മിൽ ആക്രമണം വീണ്ടും ശക്തമായതിനു പിന്നാലെയാണ് യുഎസിനെ പരിഹസിച്ചുകൊണ്ടുള്ള ഇറാന്റെ പോസ്റ്റ് പുറത്തുവന്നിരിക്കുന്നത്. ഞായറാഴ്ച ഹോർമുസിലെ ചെറുദ്വീപായ ലാറക്കിലെ ഇറാന്റെ റോക്കറ്റ് ലോഞ്ചറുകൾക്കുനേരെ യുഎസ് ആക്രമണം നടത്തിയിരുന്നു.
ഹോർമുസ് കപ്പൽപ്പാതയിൽ മൈനുകൾ നിക്ഷേപിക്കാൻ ഇറാൻ ലാറക് ദ്വീപ് ഉപയോഗിക്കുന്നു എന്നാരോപിച്ചായിരുന്നു യുഎസിന്റെ ഈ ആക്രമണം. ഇതിന് മറുപടിയായി ജോർദാനിലെ യുഎസിന്റെ രണ്ട് സൈനിക കേന്ദ്രങ്ങൾക്കുനേരെ ഇറാനും മിസൈൽ ആക്രമണം നടത്തുകയുണ്ടായി.
ഈ ആക്രമണത്തിൽ വൻ നാശനഷ്ടമുണ്ടായെന്ന് ഇറാൻ അവകാശപ്പെട്ടെങ്കിലും എട്ട് ബാലിസ്റ്റിക് മിസൈലുകളെ വെടിവച്ചിട്ടെന്നാണ് ജോർദാൻ സൈന്യം ഇതിന് മറുപടിയായി വ്യക്തമാക്കിയിട്ടുള്ളത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
