റേഷൻ കട വഴി സപ്ലൈകോ ഉത്പ്പന്നങ്ങൾ വിതരണം ചെയ്യുന്ന കുമരകത്തെ ആദ്യ കെ-സ്റ്റോർ ഉത്ഘാടനം നാളെ
സ്വന്തം ലേഖകൻ
കുമരകം : കുമരകം പഞ്ചായത്തിലെ ആദ്യ കെ-സ്റ്റോർ നാളെ കോട്ടയം താലൂക്ക് സപ്ലൈ ഓഫീസർ ഉത്ഘാടനം ചെയ്യും. കുമരകം മേലുവള്ളി ബിൽഡിംഗിൽ പ്രവർത്തിച്ചു വരുന്ന റ്റോബിൻ ജോർജിന്റെ ലൈസൻസിയിലുള്ള എ.ആർ.ഡി 125 നമ്പർ റേഷൻ കടയിലാണ് കെ-സ്റ്റോർ ആരംഭിക്കുന്നത്.
റേഷൻ കടകൾ വഴി സപ്ലൈകോ ശബരി ഉത്പന്നങ്ങൾ, മിൽമ ഉൽപ്പന്നങ്ങൾ, ചോട്ടു ഗ്യാസ്, സി.എസ്.സി സേവനങ്ങൾ, 1000 രൂപ വരെയുള്ള ബാങ്കിംഗ് സേവനങ്ങൾ എന്നിവ ലഭ്യമാക്കുക എന്ന ലക്ഷ്യത്തോടെ കേരള സർക്കാർ കഴിഞ്ഞ വർഷം ആരംഭിച്ച പദ്ധതിയാണ് കെ – സ്റ്റോർ. കേരളത്തിൽ ഉടനീളം ഇതിനോടകം നിരവധി കെ – സ്റ്റോറുകൾ പ്രവർത്തനം ആരംഭിച്ചിട്ടുണ്ട്. എന്നാൽ കുമരകത്തെ ആദ്യ കെ-സ്റ്റോർ . ആണ് നാളെ ഉത്ഘാടനം ചെയ്യപ്പെടുക.
നാളെ ഉച്ചക്ക് 12ന് കോട്ടയം താലൂക്ക് സപ്ലൈ ഓഫീസർ ജി. അഭിൽ ജിത്ത് കെ സ്റ്റാേർ ഉദ്ഘാടനം നിർവ്വഹിക്കും. ആർപ്പൂക്കര ഫർക്ക റേഷനിംഗ് ഇൻസ്‌പെക്ടർ പി. ഷാജി ചടങ്ങിൽ പങ്കെടുക്കും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
