സ്മാർട്ട്ഫോണുകളിൽ അമിതമായി ചാർജ് തീരുന്നതിന് കാരണമാകുന്ന പ്രധാന പ്രശ്നങ്ങളിലൊന്ന് യൂട്യൂബ് മ്യൂസിക് ആപ്പുമായി ബന്ധപ്പെട്ടിരിക്കുന്നുവെന്ന് കണ്ടെത്തൽ. പരസ്യങ്ങളില്ലാത്ത സേവനങ്ങൾക്കായി ഒട്ടനവധി പേർ ഉപയോഗിക്കുന്ന ഈ പ്ലാറ്റ്‌ഫോം ചില പ്രത്യേക ഫീച്ചറുകൾ കാരണം ഫോണിന്റെ ബാറ്ററി ഊറ്റിയെടുക്കുന്നതായി ശ്രദ്ധയിൽപ്പെട്ടിട്ടുണ്ട്.
ആപ്പിന്റെ പശ്ചാത്തല പ്രവർത്തനങ്ങളാണ് ഇതിന് പ്രധാന കാരണം. ആൻഡ്രോയിഡ് ഫോണുകളിൽ അമിതമായി ബാറ്ററി ചാർജ് നഷ്ടപ്പെടുന്നതിന്റെ യഥാർത്ഥ കാരണം കണ്ടെത്താൻ ഗൂഗിൾ ജെമിനി എഐയുടെ സഹായം തേടേണ്ടി വന്നു.
പരിശോധനയിൽ ‘സ്മാർട്ട് ഡൗൺലോഡ്സ്’ (Smart Downloads) എന്ന പ്രീമിയം ഫീച്ചറാണ് വില്ലനെന്ന് വ്യക്തമായി. പുതിയ ഫോണിലേക്ക് അക്കൗണ്ട് മാറ്റുമ്പോൾ ഈ സെറ്റിങ്സ് പലപ്പോഴും സ്വയം പ്രവർത്തനക്ഷമമാകാറുണ്ട്.
ഇത് ഉപയോക്താവിന്റെ അറിവില്ലാതെ പശ്ചാത്തലത്തിൽ പ്രവർത്തിച്ചുകൊണ്ടിരിക്കുകയും വലിയ തോതിൽ ബാറ്ററി ഉപയോഗിക്കുകയും ചെയ്യുന്നു. ഈ പ്രശ്നം പരിഹരിക്കാൻ താഴെ പറയുന്ന ഘട്ടങ്ങൾ പാലിക്കാം: 1.
ഫോണിൽ യൂട്യൂബ് മ്യൂസിക് ആപ്പ് തുറക്കുക.
2. മുകളിൽ വലതുവശത്തുള്ള പ്രൊഫൈൽ ഐക്കണിൽ ടാപ്പ് ചെയ്യുക.
3.
Settings എന്ന ഓപ്ഷൻ തിരഞ്ഞെടുക്കുക.
4. തുടർന്ന് Downloads & storage എന്ന വിഭാഗത്തിലേക്ക് പോവുക.
5.
ഇവിടെ Smart downloads ഓഫ് ചെയ്യുക. കൂടാതെ, സമീപകാലത്ത് കേട്ട
പാട്ടുകൾ സ്വയം ഡൗൺലോഡ് ചെയ്യുന്ന ‘Recently played songs’ എന്ന ഓപ്ഷനും ഇതേ മെനുവിൽ നിന്നും ഓഫ് ചെയ്യാവുന്നതാണ്. ഡൗൺലോഡ് ലിസ്റ്റ് പൂർണ്ണമായി ഒഴിവാക്കാൻ താഴെയുള്ള ‘Clear downloads’ എന്നതിൽ ടാപ്പ് ചെയ്യാം.
ബാറ്ററി സംരക്ഷിക്കുന്നതിനായി ഡാറ്റ സേവിങ് ക്രമീകരണങ്ങളും ഉപയോഗിക്കാവുന്നതാണ്. Settings > Data Saving എന്ന വിഭാഗത്തിൽ പോയി ‘Don’t play music videos’, ‘Don’t play podcast videos’ എന്നീ ഓപ്ഷനുകൾ പ്രവർത്തനക്ഷമമാക്കുന്നത് വഴി വീഡിയോകൾ പശ്ചാത്തലത്തിൽ ലോഡ് ആകുന്നത് തടയാം.
അതുപോലെ ആവശ്യമില്ലാത്ത പുഷ് നോട്ടിഫിക്കേഷനുകൾ ഓഫ് ചെയ്യുന്നതും ആപ്പിന്റെ പശ്ചാത്തല പ്രവർത്തനങ്ങൾ ഒപ്റ്റിമൈസ് ചെയ്യുന്നതും ബാറ്ററി ലൈഫ് വർദ്ധിപ്പിക്കാൻ സഹായിക്കും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
