യുവാക്കളായ സ്ത്രീകൾ ഒരിക്കലും അവഗണിക്കരുതാത്ത പ്രധാന ആരോഗ്യ പ്രശ്നങ്ങൾ

ഇരുപതുകളിലും മുപ്പതുകളിലും പ്രായമെത്തിയ സ്ത്രീകളെ വിവിധ തരത്തിലുള്ള ആരോഗ്യ പ്രതിസന്ധികൾ സാരമായി ബാധിക്കാറുണ്ട്. പലപ്പോഴും ശരീരത്തിൽ പ്രകടമാകുന്ന ലക്ഷണങ്ങളെ നിസ്സാരമായി തള്ളിക്കളയുന്ന പ്രവണതയാണ് കണ്ടുവരുന്നത്.

എന്നാൽ ഈ കാലഘട്ടം സ്വന്തം ആരോഗ്യസ്ഥിതി കൃത്യമായി വിലയിരുത്തുന്നതിനും, ശ്രദ്ധിക്കപ്പെടാതെ പോകുന്ന മാറ്റങ്ങൾ കൃത്യസമയത്ത് തിരിച്ചറിയുന്നതിനും അതീവ നിർണ്ണായകമാണ്. രോഗലക്ഷണങ്ങൾ മുൻകൂട്ടി തിരിച്ചറിയുക, പ്രായത്തിനനുയോജ്യമായ ആരോഗ്യ പരിശോധനകൾ നടത്തുക, ശരീരത്തിൽ ഉണ്ടാകുന്ന അസാധാരണമായ വ്യതിയാനങ്ങളെ അവഗണിക്കാതിരിക്കുക എന്നിവയാണ് സ്ത്രീകൾ പ്രധാനമായും ശ്രദ്ധിക്കേണ്ടതെന്ന് പൂനെയിലെ സൂര്യ മദർ ആൻഡ് ചൈൽഡ് സൂപ്പർ സ്പെഷ്യാലിറ്റി ഹോസ്പിറ്റൽ ഒബ്‌സ്റ്റട്രിക്സ് ആൻഡ് ഗൈനക്കോളജി വിഭാഗം കൺസൾട്ടന്റായ ഡോ.

മീനാക്ഷി ഡിൻഡെ വ്യക്തമാക്കുന്നു. ഇരുപതിനും മുപ്പതിനും ഇടയിൽ പ്രായമുള്ള സ്ത്രീകൾ തീർച്ചയായും അറിഞ്ഞിരിക്കേണ്ട

പ്രധാന ആരോഗ്യ പ്രശ്നങ്ങൾ താഴെ പറയുന്നവയാണ്. 1.

എച്ച്പിവി അണുബാധ
ഗർഭാശയമുഖത്തെ കോശങ്ങളിൽ ക്യാൻസറിന് കാരണമാകുന്ന മാറ്റങ്ങൾ സൃഷ്ടിക്കാൻ എച്ച്പിവി അണുബാധയ്ക്ക് സാധിക്കും. സാധാരണയായി ഇവ പ്രകടമായ രോഗലക്ഷണങ്ങളൊന്നും ഉണ്ടാക്കാറില്ലെന്നതും വളരെ സാവധാനത്തിൽ മാത്രം വളരുന്നവയാണെന്നതും ഗൗരവകരമാണ്.

മുപ്പത് വയസ്സ് മുതൽ ഓരോ അഞ്ച് വർഷം കൂടുമ്പോഴും കൃത്യമായ പരിശോധനകൾ നടത്തേണ്ടത് അത്യാവശ്യമാണ്. മുപ്പത് വയസ്സ് മുതൽ അഞ്ച് മുതൽ പത്ത് വർഷം വരെ ഇടവേളകളിൽ എച്ച്പിവി-ഡിഎൻഎ (HPV-DNA) പരിശോധന നടത്തണമെന്നാണ് ലോകാരോഗ്യ സംഘടന (WHO) നിർദ്ദേശിക്കുന്നത്.

2. ബ്രെസ്റ്റ് ക്യാൻസർ
സമീപകാലത്ത് സ്ത്രീകൾക്കിടയിൽ ബ്രെസ്റ്റ് ക്യാൻസർ കേസുകൾ വർദ്ധിച്ചുവരുന്നതായി കാണുന്നുണ്ട്.

യാതൊരുവിധ വേദനയും ഇല്ലെങ്കിൽപോലും, സ്തനങ്ങളിൽ പുതിയതായി എന്തെങ്കിലും മുഴകൾ അനുഭവപ്പെടുക, മുലക്കണ്ണ് ഉള്ളിലേക്ക് വലിയുകയോ അതിൽ നിന്ന് രക്തം കലർന്ന സ്രവം പുറത്തേക്ക് വരുകയോ ചെയ്യുക തുടങ്ങിയ ലക്ഷണങ്ങൾ യാതൊരു കാരണവശാലും അവഗണിക്കരുത്. 3.

ഉയർന്ന രക്തസമ്മർദ്ദം
മുന്നറിയിപ്പുകളോ പ്രകടമായ ലക്ഷണങ്ങളോ നൽകാതെയാണ് പലപ്പോഴും ഉയർന്ന രക്തസമ്മർദ്ദം ധമനികൾ, ഹൃദയം, തലച്ചോറ്, വൃക്കകൾ തുടങ്ങിയ പ്രധാന അവയവങ്ങളെ പടിപടിയായി ബാധിക്കുന്നത്. അതിനാൽ ഇടവിട്ടുള്ള ഇടവേളകളിൽ രക്തസമ്മർദ്ദം പരിശോധിക്കുന്നത് ശീലമാക്കണം.

4. ക്രമരല്ലാത്ത ആർത്തവവും പിസിഒഎസും
ആർത്തവചക്രം 21 ദിവസത്തിൽ കുറവോ 35 ദിവസത്തിൽ കൂടുതലോ ആകുക, ഒരു വർഷത്തിൽ എട്ടിൽ താഴെ മാത്രം ആർത്തവമുണ്ടാകുക, അല്ലെങ്കിൽ 90 ദിവസത്തിലധികം നീളുന്ന ഇടവേളകൾ വരിക എന്നിവയെല്ലാം ക്രമരല്ലാത്ത അണ്ഡോൽപാദനത്തെയാണ് (ovulation) സൂചിപ്പിക്കുന്നത്.

ഇതിനൊപ്പം മുഖക്കുരു മാറാതെ നിൽക്കുകയോ മുഖത്തും ശരീരത്തിലും അമിതമായി രോമവളർച്ചയുണ്ടാകുകയോ ചെയ്താൽ പി.സി.ഒ.എസ് (PCOS) സംശയിക്കേണ്ടതുണ്ട്. 5.

പോഷകക്കുറവും വിറ്റാമിൻ പരിശോധനകളും
ആർത്തവ ദിവസങ്ങളിലെ അമിതമായ രക്തസ്രാവം ശരീരത്തിൽ ഇരുമ്പിന്റെ അളവ് ഗണ്യമായി കുറയാൻ ഇടയാക്കും. ഇത് വിളർച്ച ഉണ്ടാകുന്നതിന് മുൻപ് തന്നെ കടുത്ത ക്ഷീണത്തിന് കാരണമാകും.

ഭക്ഷണക്രമം, പ്രകടമാകുന്ന ലക്ഷണങ്ങൾ, അസ്ഥി വേദന, പേശി ബലഹീനത തുടങ്ങിയ മറ്റ് അപകടസാധ്യതകൾ എന്നിവയുടെ അടിസ്ഥാനത്തിൽ ബി12, വിറ്റാമിൻ ഡി പരിശോധനകൾ കൃത്യമായി നടത്തേണ്ടതാണ്. 6.

മാനസികാരോഗ്യ പ്രശ്നങ്ങൾ
നിരന്തരമായ ഉത്കണ്ഠ, അകാരണമായ പരിഭ്രാന്തി, മോശം മാനസികാവസ്ഥ, പെട്ടെന്നുള്ള ക്ഷോഭം, ഉറക്കത്തിലോ ഭക്ഷണശീലത്തിലോ ഉണ്ടാകുന്ന വ്യതിയാനങ്ങൾ, സാമൂഹികമായി അകലം പാലിക്കൽ, ശ്രദ്ധക്കുറവ്, ദൈനംദിന കാര്യങ്ങൾ കൈകാര്യം ചെയ്യുന്നതിലെ ബുദ്ധിമുട്ടുകൾ എന്നിവയെല്ലാം മാനസികാരോഗ്യ പ്രശ്നങ്ങളുടെ ലക്ഷണങ്ങളായി പ്രത്യപ്പെടാം. 7.

ടൈപ്പ് 2 പ്രമേഹം
ശരീരം ഇൻസുലിനോട് അനുകൂലമായി പ്രതികരിക്കാതിരിക്കുകയും രക്തത്തിലെ ഗ്ലൂക്കോസിന്റെ അളവ് ഉയരുകയും ചെയ്യുമ്പോഴാണ് ടൈപ്പ് 2 പ്രമേഹം ഉണ്ടാകുന്നത്. അതിനാൽ രക്തത്തിലെ പഞ്ചസാരയുടെ അളവ് കർശനമായി നിയന്ത്രിച്ചു നിർത്തേണ്ടത് വളരെ പ്രധാനമാണ്.