ഫിഫ ലോകകപ്പില് സ്വീഡനെതിരെ തകര്പ്പന് വിജയവുമായി ഫ്രാന്സ് പ്രീ ക്വാര്ട്ടറിലേക്ക് യോഗ്യത നേടി. എതിരില്ലാത്ത മൂന്ന് ഗോളുകള്ക്കാണ് ഫ്രാന്സ് വിജയം സ്വന്തമാക്കിയത്.
കിലിയന് എംബാപ്പെയുടെ ഇരട്ടഗോളുകളും ബ്രാഡ്ലി ബാര്ക്കോളയുടെ ഗോളുമാണ് ഫ്രഞ്ച് പടയ്ക്ക് അനായാസ ജയം ഒരുക്കിയത്. മത്സരത്തിലുടനീളം സ്വീഡിഷ് ഗോള്കീപ്പര് ജേക്കബ് സെറ്റര്സ്റ്റോം മികച്ച പ്രകടനം പുറത്തെടുത്ത് ഫ്രഞ്ച് മുന്നേറ്റങ്ങളെ തടയാന് ശ്രമിച്ചുവെങ്കിലും ആദ്യ പകുതിയുടെ അവസാന നിമിഷം ആ പ്രതിരോധം തകര്ന്നു.
45-ാം മിനിറ്റില് എംബാപ്പെ തൊടുത്ത മനോഹരമായ ഷോട്ട് വലതു മൂലയിലേക്ക് തുളച്ചുകയറി. രണ്ടാം പകുതി തുടങ്ങി പത്താം മിനിറ്റിനുള്ളില് ബ്രാഡ്ലി ബാര്ക്കോളയിലൂടെ ഫ്രാന്സ് ലീഡ് രണ്ടാക്കി ഉയര്ത്തി.
മൈക്കല് ഒലീസ് നല്കിയ കൃത്യമായ പാസ് സ്വീകരിച്ചായിരുന്നു ബാര്ക്കോളയുടെ ഗോള് നേട്ടം. തുടര്ന്നും കളിയില് ആധിപത്യം പുലര്ത്തിയ ഫ്രാന്സ്, 74-ാം മിനിറ്റില് എംബാപ്പെയുടെ മറ്റൊരു ഗോളിലൂടെ വിജയം ഉറപ്പിച്ചു.
ഒലീസ് തന്നെയായിരുന്നു ഈ ഗോളിലും അസിസ്റ്റ് നല്കിയത്. ഇതോടെ ഈ ലോകകപ്പിലെ ഗോളുകളുടെ എണ്ണം ആറായി ഉയര്ത്തിയ എംബാപ്പെ, ലയണല് മെസിക്കൊപ്പം ഗോള്വേട്ടക്കാരുടെ പട്ടികയില് ഒന്നാമതെത്തി.
അലക്സാണ്ടര് ഇസാക്ക്, വിക്ടര് ഗ്യോക്കറെസ് തുടങ്ങിയ മികച്ച താരങ്ങള് അണിനിരന്നിട്ടും സ്വീഡന് ഫ്രഞ്ച് പ്രതിരോധം ഭേദിക്കാനായില്ല. ഇതോടെ സ്വീഡന് ടൂര്ണമെന്റില് നിന്ന് പുറത്തായി.
പ്രീ ക്വാര്ട്ടറില് പരാഗ്വെയെ ആണ് ഫ്രാന്സ് നേരിടുക. നിലവിലെ ചാമ്പ്യന്മാരായ ജര്മ്മനിയെ അട്ടിമറിച്ചാണ് പരാഗ്വെ പ്രീ ക്വാര്ട്ടറിലേക്ക് യോഗ്യത ഉറപ്പിച്ചത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
