ഡൽഹിയിലെ സാകേതിൽ കെട്ടിടം തകർന്നുണ്ടായ ദുരന്തത്തിൽ കെട്ടിട ഉടമയെ പോലീസ് അറസ്റ്റ് ചെയ്തു.
കരംവീർ എന്നയാളെയാണ് സംഭവവുമായി ബന്ധപ്പെട്ട് പോലീസ് കസ്റ്റഡിയിലെടുത്തത്. സാകേത് മെട്രോ സ്റ്റേഷന് സമീപം നടന്ന അപകടത്തിൽ ഇതുവരെ ആറുപേർ മരണപ്പെട്ടതായാണ് റിപ്പോർട്ട്.
കെട്ടിടത്തിന്റെ കാലപ്പഴക്കവും നിർമ്മാണത്തിലുണ്ടായ ഗുരുതരമായ അപാകതകളുമാണ് അപകടത്തിലേക്ക് നയിച്ചതെന്നാണ് പ്രാഥമിക നിഗമനം. കെട്ടിടത്തിന്റെ അനധികൃത നിർമ്മാണവുമായി ബന്ധപ്പെട്ട് ഉടമയ്ക്കെതിരെ നേരത്തെ തന്നെ പോലീസ് കേസെടുത്തിരുന്നു.
സംഭവത്തിൽ ഡൽഹി സർക്കാർ മജിസ്റ്റീരിയൽ അന്വേഷണത്തിന് ഉത്തരവിട്ടിട്ടുണ്ട്. സിവിൽ സർവീസ്, നീറ്റ് പരീക്ഷകൾക്ക് തയ്യാറെടുക്കുന്ന വിദ്യാർത്ഥികളാണ് അപകടത്തിൽപ്പെട്ടവരിൽ ഭൂരിഭാഗവും.
ഗുരുതരമായി പരിക്കേറ്റവരെ ഡൽഹിയിലെ എയിംസ് ആശുപത്രിയിൽ പ്രവേശിപ്പിച്ചു ചികിത്സ നൽകി വരികയാണ്. കെട്ടിടം അനധികൃതമായാണ് പ്രവർത്തിച്ചിരുന്നതെന്ന് അധികൃതർ വ്യക്തമാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
