കൽപറ്റ ∙ മുണ്ടക്കൈ-ചൂരൽമല ഉരുൾപൊട്ടൽ ദുരന്തബാധിതർക്കായി സർക്കാർ കൽപറ്റ എൽസ്റ്റൺ എസ്റ്റേറ്റിൽ ഒരുക്കുന്ന ടൗൺഷിപ് നിർമാണം വേഗത്തിൽ പുരോഗമിക്കുന്നു. ഇതുവരെ 122 ഭവനങ്ങളുടെ വാർപ് പൂർത്തിയായി.
5 സോണുകളിലെ നിർമാണങ്ങളാണ് പുരോഗമിക്കുന്നത്. 344 വീടുകൾക്കുള്ള സ്ഥലമൊരുക്കൽ പൂർത്തിയായി.
326 വീടുകളുടെ അടിത്തറയൊരുക്കലും 126 വീടുകളുടെ എർത്ത് വർക്, 305 വീടുകൾക്കായുള്ള പ്ലെയിൻ സിമന്റ് കോൺക്രീറ്റ് പ്രവൃത്തികളും ഇതിനോടകം പൂർത്തിയായി. 303 വീടുകളുടെ അടിത്തറ നിർമാണം, 302 വീടുകളിലെ സ്റ്റമ്പ്, 287 വീടുകളുടെ പ്ലിന്ത് തുടങ്ങിയ പ്രവർത്തനങ്ങളും പൂർത്തിയായി.
122 വീടുകളുടെ സ്ലാബ് പ്രവർത്തനം പൂർത്തിയായിട്ടുണ്ട്.
7 വീടുകളുടെ പ്ലാസ്റ്ററിങ്ങും 49 വീടുകളുടെ ഗ്രിഡ് സ്ലാബ് പ്രവൃത്തിയും നിലവിൽ പൂർത്തീകരിച്ചു. ടൗൺഷിപ്പിലൂടെ കടന്നുപോകുന്ന കെഎസ്ഇബിയുടെ വിതരണ ലൈൻ മാറ്റി സ്ഥാപിക്കുകയും 110 കെവി ലൈനിനായി 4 പ്രധാന ടവറുകൾ സ്ഥാപിക്കുകയും ചെയ്തു.
ടൗൺഷിപ്പിലെ റോഡ് നിർമാണവും പുരോഗമിക്കുകയാണ്. 3 ഘട്ടങ്ങളായാണ് റോഡ് നിർമിക്കുന്നത്. 12.65 മീറ്റർ വീതിയിലുള്ള പ്രധാന പാതയ്ക്ക് 1.1 കിലോമീറ്റർ ദൈർഘ്യമാണുള്ളത്.
9.5 മീറ്റർ വീതിയിൽ നിർമിക്കുന്ന റോഡ് 2.770 കിലോമീറ്ററാണുണ്ടാവുക.
ഇവ ടൗൺഷിപ്പിലെ വിവിധ മേഖലകളെ ബന്ധിപ്പിക്കുന്ന പ്രധാന പാതകളാണ്. ഇടറോഡുകളായി കണക്കാക്കുന്ന റോഡിന് 5.8 മീറ്ററാണ് വീതി.
7.553 കിലോമീറ്റർ ദൈർഘ്യത്തിലാണ് ഇത്തരം റോഡുകൾ നിർമിക്കുന്നത്. താമസ സ്ഥലങ്ങളിലേക്കുള്ള പ്രവേശനം ഈ റോഡിലൂടെയായിരിക്കും.
പ്രധാന പാതയുടെ 490 മീറ്ററും 2–ാം ഘട്ടത്തിലെ പാതയുടെ 906 മീറ്ററും നിർമിച്ചു.
ഇടറോഡുകൾക്കായുള്ള സ്ഥലത്ത് 812 മീറ്ററിൽ മണ്ണിട്ട് നികത്തി. പ്രധാന റോഡിൽ ഇലക്ട്രിക്കൽ ഡക്ട് നിർമാണവും സൈഡ് ഡ്രെയിൻ നിർമാണവും പുരോഗമിക്കുകയാണ്.
ആകെ 11.423 കിലോമീറ്റർ റോഡുകളാണ് ടൗൺഷിപ്പിൽ നിർമിക്കുക. 9 ലക്ഷം ലീറ്റർ ശേഷിയിൽ നിർമിക്കുന്ന കുടിവെള്ള സംഭരണി, സുവിജ് ട്രീറ്റ്മെന്റ് പ്ലാന്റ്, ഓവുചാലുകൾ എന്നിവയുടെ നിർമാണവും പുരോഗമിക്കുകയാണ്.
രാപകൽ വ്യത്യാസമില്ലാതെ 1300ൽ അധികം തൊഴിലാളികളെ ഉപയോഗിച്ചാണ് നിർമാണം. തൊഴിലാളികളുടെ എണ്ണം വർധിപ്പിച്ച് നിർമാണം കൂടുതൽ വേഗത്തിലാക്കുമെന്ന് അധികൃതർ അറിയിച്ചു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
