പനമരത്ത് മരത്തിൽ നിന്ന് വീണ് പരുക്കേറ്റ മധ്യവയസ്കൻ മരിച്ചു

പനമരം പരക്കുനി സ്വദേശി മുയ്യേരിക്കണ്ടി നാസർ (55) അന്തരിച്ചു. മരത്തിൽ നിന്നും വീണുണ്ടായ അപകടത്തെത്തുടർന്ന് ഗുരുതരാവസ്ഥയിൽ കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിൽ കഴിയുകയായിരുന്നു അദ്ദേഹം.

കഴിഞ്ഞ രണ്ടാഴ്ചയായി വിദഗ്ധ ചികിത്സയിൽ തുടരുന്നതിനിടെ ബുധനാഴ്ചയാണ് മരണം സംഭവിച്ചത്. പരേതരായ മുയ്യേരികണ്ടി കുഞ്ഞമ്മദിന്റെയും കുഞ്ഞാമിനയുടെയും മകനാണ് അന്തരിച്ച നാസർ.

ഫൗസിയയാണ് ഭാര്യ. ഫസീല, ജസീല, നിയാസ് എന്നിവർ മക്കളും, നിസാം, ബഷീർ എന്നിവർ മരുമക്കളുമാണ്.