കാറും പിക്കപ് വാനും കൂട്ടിയിടിച്ച് യാത്രക്കാർക്ക് പരുക്ക്

ചിറ്റാർ∙കോടാലിമുക്കിനു സമീപം കാറും പിക്കപ് വാനും കൂട്ടി മുട്ടി കാർ യാത്രക്കാർക്കു പരുക്ക്. ചീങ്കൽത്തടം ഏലംപുരയിടത്തിൽ ലിജോ (36), ഭാര്യ സൂസൻ (34), മകൾ അമേലിയ ലിജോ (7) എന്നിവർക്കാണ് പരുക്കേറ്റത്. ഇവരെ പത്തനംതിട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചു.അമേലിയയുടെ പരുക്ക് ഗുരുതരമായതിനാൽ കോഴഞ്ചേരിയിലുള്ള സ്വകാര്യ ആശുപത്രിയിലേക്ക് മാറ്റി.ഇന്നലെ രാത്രി എട്ട് മണിയോടെയാണ് അപകടം.കാർ യാത്രക്കാർ ബന്ധുവീട്ടിൽ എത്തിയ ശേഷം മടങ്ങുകയായിരുന്നു. പിക്കപ് ഡ്രൈവറെ പൊലീസ് കസ്റ്റഡിയിൽ എടുത്തു. പരുക്കേറ്റവരെ പൊലീസും സ്ഥലവാസികളും ചേർന്ന് ആശുപത്രിയിലേക്കു മാറ്റി. സീതത്തോട്ടിൽ നിന്നും അഗ്നിരക്ഷാ സേന അംഗങ്ങളും സ്ഥലത്ത് എത്തിയിരുന്നു.