പത്തനംതിട്ട ജില്ലയിൽ ഇന്ന് (28-10-2025); അറിയാൻ, ഓർക്കാൻ

ഇന്ന് 
∙ ഗവ.മെ‍ഡിക്കൽ കോളജുകളിലെ ഡോക്ടർമാർ ഒപി ബഹിഷ്കരിക്കും. കാഷ്വൽറ്റി, ലേബർ റൂം, ഐസിയു തുടങ്ങിയ അടിയന്തര ചികിത്സകൾക്കു മുടക്കമില്ല.

∙ സംസ്ഥാനത്ത് ചില പ്രദേശങ്ങളിൽ ശക്തമായ മഴയ്ക്കു സാധ്യത ∙ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ യെലോ അലർട്ട്  ∙ ഇടിമിന്നലിനും മണിക്കൂറിൽ 40–50 കിലോമീറ്റർ വേഗത്തിൽ കാറ്റിനും സാധ്യത ∙ കേരള, കർണാടക, ലക്ഷദ്വീപ് തീരങ്ങളിൽ മത്സ്യബന്ധനം പാടില്ല
അധ്യാപക ഒഴിവ്
കടപ്ര ∙ ഗവ. യുപിജി സ്കൂളിൽ എൽ‌പിഎസ്ടിയുടെ ദിവസ വേതനാടിസ്ഥാനത്തിൽ താൽക്കാലിക അധ്യാപക ഒഴിവുണ്ട്.

അഭിമുഖം 30ന് 11ന് നടക്കും. ടിടിസി/ഡിഎഡ്, കെടെറ്റ് യോഗ്യതയുള്ളവർ അസ്സൽ സർ‌ട്ടിഫിക്കറ്റുമായി എത്തണം.

കീഴ്‌വായ്പൂര് ∙ ഗവ. വൊക്കേഷനൽ ഹയർ സെക്കൻഡറി സ്കൂളിൽ കൊമേഴ്സ് അധ്യാപക (ജിഎഫ്സി ജൂനിയർ) ഒഴിവുണ്ട്.

അസ്സൽ സർട്ടിഫിക്കറ്റുകളുമായി 30ന് 11ന് അഭിമുഖത്തിനെത്തണമെന്ന് പ്രിൻസിപ്പൽ അറിയിച്ചു.
ജോലി ഒഴിവ്
കടമ്മനിട്ട ∙ കുടുംബാരോഗ്യകേന്ദ്രത്തിൽ ഫാർമസിസ്റ്റ് ഗ്രേഡ് രണ്ട് തസ്തികയിൽ കരാർ അടിസ്ഥാനത്തിൽ നിയമനം നടത്തുന്നു.

യോഗ്യത: ഡിഫാം/ബി ഫാം, കേരള ഫാർമസി കൗൺസിൽ റജിസ്‌ട്രേഷൻ. പ്രവൃത്തി പരിചയമുളളവർക്ക് മുൻഗണന.

പ്രായപരിധി: 18-36. അസ്സൽ സർട്ടിഫിക്കറ്റുകൾ സഹിതം 29ന് 11ന് മെഡിക്കൽ ഓഫിസർ മുൻപാകെ അഭിമുഖത്തിന് ഹാജരാകണം.  04735 245613
നിയമനം
കടമ്മനിട്ട

∙ കുടുംബാരോഗ്യകേന്ദ്രത്തിൽ ഫാർമസിസ്റ്റ് ഗ്രേഡ് രണ്ട് തസ്തികയിൽ കരാർ അടിസ്ഥാനത്തിൽ നിയമനം നടത്തുന്നു. യോഗ്യത: ഡിഫാം/ബി ഫാം, കേരള ഫാർമസി കൗൺസിൽ റജിസ്‌ട്രേഷൻ.

പ്രവൃത്തി പരിചയമുളളവർക്ക് മുൻഗണന. പ്രായപരിധി: 18-36.

അസ്സൽ സർട്ടിഫിക്കറ്റുകൾ സഹിതം 29ന് 11ന് മെഡിക്കൽ ഓഫിസർ മുൻപാകെ അഭിമുഖത്തിന് ഹാജരാകണം.  04735 245613
സബ് സ്റ്റേഷൻ നവീകരണം
റാന്നി ∙ വൈദ്യുതി വിതരണം തടസ്സപ്പെടുത്താതെ 110 കെവി സബ് സ്റ്റേഷൻ നവീകരണം. 11 കെവി പാനൽ മാറ്റിവെയ്ക്കുന്ന പണികളാണ് കഴിഞ്ഞ 3 ദിവസങ്ങളായി നടന്നത്.

പാതി ഭാഗം മാത്രമേ പൂർത്തിയായിട്ടുള്ളൂ. ഇന്നും നാളെയും 30നും ശേഷിക്കുന്ന പണികൾ തുടരും.
ഡിഎൽഎഡ് പ്രവേശനം
പത്തനംതിട്ട

∙ അങ്ങാടിക്കൽ എസ്‌സിആർവി ടീച്ചർ ട്രെയിനിങ്ങ് ഇൻസ്റ്റിറ്റ്യൂട്ടിൽ ഡിഎൽഎഡ് പ്രവേശനത്തിന് മാനേജ്മെന്റ് ക്വാട്ടയിൽ ഒഴിവുള്ള സീറ്റുകളിലേക്കുള്ള സ്പോട് അഡ്മിഷൻ 29ന് 10ന് നടത്തും. 9497615921.

… FacebookTwitterWhatsAppTelegram