ആംബുലൻസ് നിയന്ത്രണം വിട്ടു; മരത്തിലിടിച്ച് നിർത്തി

പത്തനംതിട്ട∙ ഓടിക്കൊണ്ടിരിക്കവെ ആംബുലൻസ് നിയന്ത്രണം വിട്ടു. ഗത്യന്തരമില്ലാതെ വാഹനം മരത്തിലിടിച്ച് നിർത്തി ഡ്രൈവർ.

വെട്ടിപ്രത്ത് ഇന്നലെ രാവിലെ 11.30നായിരുന്നു സംഭവം. പരുക്കേറ്റ ഡ്രൈവർ എബിനെ സ്വകാര്യ ആശുപത്രിയിൽ പ്രവേശിപ്പിച്ചു. ആക്സിലറേറ്റർ പ്രവർത്തിക്കാതായതോടെ മരത്തിൽ ഇടിച്ച് നിർത്തുകയായിരുന്നുവെന്ന് പൊലീസ് പറഞ്ഞു.

വർക്‌ഷോപ്പിൽ കാണിക്കാനായി വാഹനം കൊണ്ട് പോകുന്നതിനിടെയാണ് സംഭവം. മരത്തിലിടിച്ച് ആംബുലൻസിന്റെ മുൻഭാഗം തകർന്നു . വെച്ചൂച്ചിറ പിഎച്ച്സിയിലെ പാലിയേറ്റീവ് കെയർ ആംബുലൻസാണ് അപകടത്തിൽപ്പെട്ടത്.

… FacebookTwitterWhatsAppTelegram