പത്തനംതിട്ട കെഎസ്ആർടിസി ഡിപ്പോയുടെ നേതൃത്വത്തിൽ ബജറ്റ് ടൂറിസം പദ്ധതിയുടെ ഭാഗമായി നാലമ്പല ദർശനത്തിനായി പ്രത്യേക യാത്രകൾ ഒരുക്കുന്നു. ഇതിനായുള്ള മുൻകൂട്ടി ബുക്കിങ് നടപടികൾ ഡിപ്പോയിൽ ആരംഭിച്ചു.
തൃശൂർ ജില്ലയിലെ തൃപ്രയാർ ശ്രീരാമ ക്ഷേത്രം, കൂടൽമാണിക്യം ഭാരത ക്ഷേത്രം, മൂഴിക്കുളം ലക്ഷ്മണ ക്ഷേത്രം, പായമ്മേൽ ശത്രുഘ്ന ക്ഷേത്രം എന്നിവ ഉൾപ്പെടുത്തിയുള്ള ദർശന യാത്ര 17-ാം തീയതി മുതൽ ആരംഭിക്കും. ഇതിനു പുറമേ, എറണാകുളം ജില്ലയിലെ മാമലശ്ശേരി ശ്രീരാമ ക്ഷേത്രം, മേമുറി ഭാരത ക്ഷേത്രം, മുളക്കുളം ലക്ഷ്മണ ക്ഷേത്രം, നെടുങ്ങോട് ശത്രുഘ്ന ക്ഷേത്രം എന്നിവിടങ്ങളിലേക്കായി മറ്റൊരു പാക്കേജും കെഎസ്ആർടിസി തയാറാക്കിയിട്ടുണ്ട്.
യാത്രാ നിരക്കുകൾ താഴെ പറയുന്നവയാണ്:
തൃശൂർ നാലമ്പല ദർശനത്തിന് ഒരാൾക്ക് 980 രൂപയും, എറണാകുളം പാക്കേജിന് 560 രൂപയുമാണ് നിരക്ക് നിശ്ചയിച്ചിരിക്കുന്നത്. യാത്രാ സമയം:
17-ാം തീയതി പുലർച്ചെ 5 മണിക്ക് എറണാകുളത്തേക്കുള്ള സർവീസ് പത്തനംതിട്ടയിൽ നിന്നും പുറപ്പെടും.
18-ാം തീയതി രാത്രി 9 മണിക്ക് തൃശൂരിലേക്കുള്ള യാത്രയും ആരംഭിക്കും. കൂടുതൽ വിവരങ്ങൾക്കും ബുക്കിങ്ങിനുമായി 9495752710 എന്ന നമ്പറിൽ ബന്ധപ്പെടാവുന്നതാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
