കോഴിക്കോട് ജില്ലയിലെ മാവൂരിൽ ചാലിയാർ പുഴയിൽ മീൻപിടിക്കുന്നതിനിടയിൽ തോണി മറിഞ്ഞ് കാണാതായ യുവാവിന്റെ മൃതദേഹം കണ്ടെടുത്തു. മാവൂർ കുതിരാടം സ്വദേശിയായ ബാസിൽ (23) ആണ് മരണപ്പെട്ടത്.
സംഭവബഹുലമായ ദുരന്തം നടന്നത് രാത്രി പന്ത്രണ്ടരയോടെയാണ്. മണന്തല കടവ് സമീപമുള്ള പൂളക്കോട് ഭാഗത്ത് വെച്ച് മത്സ്യബന്ധനത്തിൽ ഏർപ്പെട്ടിരിക്കവെ ഇവർ സഞ്ചരിച്ച തോണി അപ്രതീക്ഷിതമായി മറിയുകയായിരുന്നു.
അപകടസമയത്ത് ബാസിലിനൊപ്പം ഉണ്ടായിരുന്ന മറ്റ് രണ്ട് പേർ നീന്തി രക്ഷപ്പെടുകയുണ്ടായി. തുടർന്ന് പുലർച്ചെ നാല് മണി വരെ പ്രദേശവാസികളും മാവൂർ ഫയർ യൂണിറ്റും ചേർന്ന് ശക്തമായ തിരച്ചിൽ നടത്തിയെങ്കിലും ബാസിലിനെ കണ്ടെത്താൻ സാധിച്ചിരുന്നില്ല.
പിന്നീട് അഗ്നിരക്ഷാ സേനയുടെ പ്രത്യേക സ്കൂബ ടീമും നാട്ടുകാരും സംയുക്തമായി നടത്തിയ ഊർജിതമായ തെരച്ചിലിനൊടുവിലാണ് രാവിലെ മൃതദേഹം കണ്ടെത്തിയത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
