ബേപ്പൂർ∙ നടുവട്ടം ചേനോത്ത് സ്കൂൾ റോഡിൽ നിർത്തിയിട്ട ഓട്ടോയിൽ നിന്നു ബാറ്ററിയും ടൂൾ കിറ്റും മോഷ്ടിച്ച കേസിൽ 3 യുവാക്കൾ അറസ്റ്റിൽ.
മായനാട് കഴിത്തട്ടാരി മുഹമ്മദ് ഹർഷാദ്(19), അരക്കിണർ നീർമൂച്ചിപറമ്പ് പാറമ്മൽ രാഹുൽ (21), നടുവട്ടം വട്ടാറമ്പ് ബൈത്തുൽ ആമിനയിൽ മുഹമ്മദ് റിയാസ് (20) എന്നിവരെയാണ് മാറാട് പൊലീസ് അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി.
31ന് രാത്രി നടുവട്ടം സ്വദേശി മുസ്തഫയുടെ വീടിനു സമീപം നിർത്തിയിട്ട ഓട്ടോയിൽ നിന്നാണ് ഇവർ ബാറ്ററിയും ടൂൾ കിറ്റും മോഷ്ടിച്ചത്.
മുസ്തഫയുടെ പരാതിയിൽ റജിസ്റ്റർ ചെയ്ത കേസിൽ പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ചും സൈബർ സെല്ലിന്റെ സഹായത്തോടെയും നടത്തിയ അന്വേഷണത്തിലാണു പ്രതികളെക്കുറിച്ചു സൂചന ലഭിച്ചത്. തുടർന്ന് ഇൻസ്പെക്ടർ എം.എൽ.ബെന്നി ലാലുവിന്റെ നേതൃത്വത്തിലുള്ള അന്വേഷണസംഘം എൻജിഒ ക്വാർട്ടേഴ്സ് പരിസരത്ത് നിന്നാണു പ്രതികളെ കസ്റ്റഡിയിലെടുത്തത്.
എസ്ഐ എ.കെ.അജിത്ത്, എഎസ്ഐ വി.മനോജൻ, സീനിയർ സിപിഒ എം.രൂപേഷ് എന്നിവർ അന്വേഷണ സംഘത്തിലുണ്ടായിരുന്നു. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
