നിയന്ത്രണംവിട്ട മിനിലോറിയുടെ കാബിനിലേക്ക് ഇരുമ്പ് പൈപ് തുളച്ചുകയറി; കടുകിട
മാറിയിരുന്നെങ്കിൽ… പൊൻകുന്നം ∙ പുനലൂർ – മൂവാറ്റുപുഴ സംസ്ഥാനപാതയിൽ ചിറക്കടവ് എസ്ആർവി സ്കൂളിനു സമീപം നിയന്ത്രണംവിട്ട മിനിലോറി നടപ്പാതയിലേക്ക് ഇടിച്ചുകയറി അപകടം.
നടപ്പാതയുടെ കൈവരി നിർമിച്ച ഇരുമ്പ് പൈപ് ലോറിയുടെ മുൻവശത്തുകൂടി ഡ്രൈവിങ് സീറ്റിലേക്കും തുളച്ചുകയറിയെങ്കിലും ഡ്രൈവർ മൂവാറ്റുപുഴ മടവൂർ സ്വദേശി ഇസ്മായിൽ പി.പരീത് പരുക്കേൽക്കാതെ അദ്ഭുതകരമായി രക്ഷപ്പെട്ടു. വാഹനം നിയന്ത്രണംവിട്ടപ്പോൾ വാതിലിന്റെ ഭാഗത്തേക്ക് ഇസ്മായിൽ മാറി.അതിനാൽ, ലുങ്കിയിൽ ചെറിയ കീറലേ പൈപ് തുളച്ചുകയറിയപ്പോൾ സംഭവിച്ചുള്ളൂ. ഇന്നലെ രാവിലെ എട്ടരയോടെയാണു സംഭവം.
മൂവാറ്റുപുഴയിൽ നിന്നു വെളിച്ചെണ്ണയുമായി പത്തനംതിട്ടയിലേക്കു പോകുകയായിരുന്നു ലോറി. വാഹനം വർക്‌ഷോപ്പിലേക്കു മാറ്റി.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
