പാപ്പിനിശ്ശേരി ∙ ദേശീയപാത വളപട്ടണം പാലത്തിനു നടുക്ക് ചെങ്കല്ല് കയറ്റിയ ലോറി നിന്നുപോയി. ഇരുഭാഗത്തേക്കും കടന്നുപോകാൻ കഴിയാതെ വാഹനങ്ങൾ പാലത്തിൽ കുരുങ്ങി നിന്നു.
ഇന്നലെ രാവിലെ 10.30നാണ് ലോറിയുടെ ടയർ പൊട്ടി പാലത്തിൽ നിന്നത്. ഇതോടെ വളപട്ടണം, പാപ്പിനിശ്ശേരി എന്നിവിടങ്ങളിൽ ഗതാഗതക്കുരുക്കിനാൽ യാത്രക്കാർ മണിക്കൂറുകളോളം വലഞ്ഞു. പിഎസ്‌സി പരീക്ഷയ്ക്ക് പുറപ്പെട്ട
ഉദ്യോഗാർഥികൾ വൈകുമെന്ന ഭീതിയിൽ നെട്ടോട്ടത്തിലായി. വളപട്ടണം പൊലീസെത്തി ഗതാഗതം നിയന്ത്രിച്ചെങ്കിലും വാഹനങ്ങളുടെ നീണ്ടനിര പാലത്തിനിരുപുറവും നീണ്ടു.
ഏറെ നേരം കഴിഞ്ഞു ലോറി പാലത്തിൽ നിന്നു നീക്കിയെങ്കിലും ഉച്ച കഴിഞ്ഞിട്ടും ഗതാഗതക്കുരുക്ക് ഒഴിഞ്ഞില്ല.
കെഎസ്ടിപി റോഡിൽ നിന്നും വരുന്ന വാഹനങ്ങൾ ചുങ്കത്തു നിന്നു ദേശീയപാതയിലേക്ക് കയറുന്ന ഇടത്തും കുരുക്ക് അനുഭവപ്പെട്ടു. പരീക്ഷയ്ക്ക് പോകേണ്ടവരടക്കം മിക്കവരും പാലത്തിലൂടെ നടന്നു മറ്റു വാഹനങ്ങളിൽ കയറിയാണ് വിവിധയിടങ്ങളിൽ എത്തിയത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
