മൂന്നാറിൽ 4 വാഹനങ്ങൾ അപകടത്തിൽപെട്ടു
മൂന്നാർ ∙ വിനോദ സഞ്ചാരികളുടെ 4 വാഹനങ്ങൾ അപകടത്തിൽപെട്ടു. സഞ്ചാരികൾ നിസ്സാര പരുക്കുകളോടെ രക്ഷപ്പെട്ടു.
ഇന്നലെ രാവിലെ മാട്ടുപ്പെട്ടി എക്കോ പോയിന്റിൽ കോട്ടയം, വൈക്കം സ്വദേശികൾ സഞ്ചരിച്ചിരുന്ന കാറുകൾ തമ്മിൽ കൂട്ടിയിടിച്ചു. 2 വാഹനങ്ങളിലും ഉണ്ടായിരുന്നവർക്ക് നേരിയ പരുക്കേറ്റു. ഇന്നലെ ഉച്ചകഴിഞ്ഞ് പഴയ മൂന്നാർ ഹിൽ വ്യൂ പാലത്തിൽ വച്ചാണ് മലപ്പുറം സ്വദേശികൾ സഞ്ചരിച്ചിരുന്ന വാഹനങ്ങൾ നേർക്കുനേർ കൂട്ടിയിടിച്ചത്.
ഇടിയുടെ ആഘാതത്തിൽ ഒരു വാഹനം തലകീഴായി ദേശീയപാതയിലേക്ക് മറിഞ്ഞു. രണ്ടു വാഹനങ്ങളിലെയും യാത്രക്കാർക്ക് നിസ്സാര പരുക്കേറ്റു.
പരുക്കേറ്റവരെ ടാറ്റാ ആശുപത്രിയിലെത്തിച്ച് ചികിത്സ നൽകി. അപകടത്തെ തുടർന്ന് കൊച്ചി-ധനുഷ് കോടി ദേശീയപാതയിൽ അൽപനേരം ഗതാഗത തടസ്സമുണ്ടായി. എക്കോ പോയിൻ്റിൽ ഒരു മാസം മുൻപ് ബസ് മറിഞ്ഞ് 3 കോളജ് വിദ്യാർഥികൾ മരിച്ച അതേ കൊടുംവളവിലാണ് ഇന്നലെയും അപകടമുണ്ടായത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
