തുറവൂർ ∙ വീടിന് മുന്നിൽ പാതയോരത്ത് നിൽക്കുകയായിരുന്ന യുവതിയെ ഉപദ്രവിക്കാൻ ശ്രമിച്ച ശേഷം കടന്നുകളഞ്ഞ യുവാക്കൾ അറസ്റ്റിൽ. കുത്തിയതോട് പൊലീസ് സ്റ്റേഷൻ പരിധിയിൽ തൈക്കാട്ടുശേരി ഫെറി റോഡിൽ 5ന് ഉച്ചകഴിഞ്ഞായിരുന്നു സംഭവം.പട്ടണക്കാട് കാജൂമൻസിലിൽ പുത്തൻ മാളികയിൽ ഗാസിൽ സിയാദ് (39), തുറവൂർ കൊച്ചുതറ വിഷ്ണു(32) എന്നിവരെയാണ് കുത്തിയതോട് സ്റ്റേഷൻ ഒാഫിസർ അജയ്മോഹന്റെ നേതൃത്വത്തിലുള്ള പൊലീസ് സംഘം പിടികൂടിയത്.
ബൈക്കിൽ സഞ്ചരിക്കുകയായിരുന്ന പ്രതികൾ യുവതിയുടെ അടുത്തെത്തി വഴി തിരക്കാനെന്ന വ്യാജേന നിർത്തി. ഗാസിൽ സിയാദ് ഇറങ്ങി വിവരം തിരക്കി പെട്ടെന്ന് യുവതിയെ കടന്നുപിടിക്കുകയായിരുന്നു.
യുവതിയുടെ കരച്ചിൽ കേട്ട് മാതാപിതാക്കൾ എത്തിയപ്പോൾ പ്രതികൾ ബൈക്കിൽ കടന്നുകളഞ്ഞു. പ്രതികളെ കാടാതുരുത്ത്, ചന്തിരൂർ എന്നിവിടങ്ങളിൽ നിന്നാണ് പിടികൂടിയത്. ചേർത്തല കോടതിയിൽ ഹാജരാക്കി പ്രതികളെ റിമാൻഡ് ചെയ്തു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
