പൂച്ചാക്കൽ ∙ സിമന്റ് ലോഡ് ലോറി പാർക്ക് ചെയ്തിരുന്ന പുരയിടത്തിൽ അതിക്രമിച്ചു കയറി ഒരു ലോഡ് സിമന്റ് ഉപയോഗശൂന്യമാക്കിയെന്ന് പരാതി. കഴിഞ്ഞ രാത്രിയിലായിരുന്നു സംഭവം. പള്ളിപ്പുറം ചിറ്റേഴത്ത് ട്രേഡേഴ്സിന്റെ ലോറി പാർക്ക് ചെയ്യുന്ന ഒറ്റപ്പുന്നയിലെ പുരയിടത്തിൽ ടാർപോളിൻ ഷീറ്റ് കൊണ്ട് മറച്ചുകെട്ടി സൂക്ഷിച്ചിരുന്ന സിമന്റാണ് സാമൂഹികവിരുദ്ധർ നശിപ്പിച്ചത്.
ടാർപോളിൻ ഷീറ്റ് കീറി നശിപ്പിച്ചതിനെത്തുടർന്ന് രാത്രിയിൽ പെയ്ത മഴയിൽ 200 പാക്കറ്റ് സിമന്റിൽ 155 എണ്ണവും ഉപയോഗിക്കാൻ പറ്റാത്ത വിധം വെള്ളം കയറി കട്ടയായി. രാവിലെ എത്തിയ ജീവനക്കാർ അറിയിച്ചതിനെത്തുടർന്ന് ഉടമ ചിറ്റേഴത്ത് ഒ.സി.
വക്കച്ചൻ ചേർത്തല പൊലീസിൽ പരാതി നൽകി. ഒരു ലക്ഷം രൂപയുടെ നഷ്ടം കണക്കാക്കുന്നുവെന്ന് വക്കച്ചൻ പറഞ്ഞു.
പൊലീസ് അന്വേഷണം തുടങ്ങി. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
