ഹരിപ്പാട് ∙ പാപ്പാനെ കുത്തിക്കൊന്നതിനെ തുടർന്നു നിരീക്ഷണത്തിലുള്ള ആനയുടെ അടിയിലൂടെ അപകടകരമായ വിധത്തിൽ കുഞ്ഞിനെ കൈമാറുകയും ഇതിനിടെ കുട്ടി താഴെ വീഴുകയും ചെയ്ത സംഭവത്തിൽ രണ്ടാം പാപ്പാൻ അറസ്റ്റിൽ. ഹരിപ്പാട് സുബ്രഹ്മണ്യ ക്ഷേത്രത്തിലെ സ്കന്ദൻ എന്ന കൊമ്പനാനയുടെ രണ്ടാം പാപ്പാൻ പുനലൂർ പെരുന്തോയിൽ കുമരംകുടി മാമൂട്ടിൽ ജിതിൻ രാജിനെയാണ്(39) ഹരിപ്പാട് പൊലീസ് അറസ്റ്റ് ചെയ്തത്.
ജിതിന്റെ സഹായിയായി ജോലി ചെയ്തിരുന്ന പാപ്പാൻ കൊട്ടിയം സ്വദേശി അഭിലാഷ് ഒളിവിലാണെന്നു പൊലീസ് പറഞ്ഞു.
ഇയാളുടെ കുട്ടിയെയാണ് ‘പേടി മാറാൻ’ എന്നു പറഞ്ഞ് ആനയുടെ അടിയിലൂടെ കൈമാറിയത്. പ്രതികൾക്കെതിരെ ബാലനീതി വകുപ്പും, മൃഗങ്ങളെ അലക്ഷ്യമായി കൈകാര്യം ചെയ്യുന്നതിനുള്ള വകുപ്പും ചേർത്താണ് കേസ് എടുത്തത്.
ആനയുടെ മുന്നിലേക്കു കഴിഞ്ഞ ഞായറാഴ്ച രാവിലെയാണ് അഭിലാഷിന്റെ കയ്യിൽ നിന്ന് 6 മാസം പ്രായമുള്ള കുഞ്ഞ് വീണത്.
സംഭവത്തിന്റെ ദൃശ്യങ്ങൾ പ്രചരിച്ചതിനെ തുടർന്ന് കഴിഞ്ഞ ദിവസം അഭിലാഷിനെ ദേവസ്വം ബോർഡ് നീക്കിയിരുന്നു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
