കേരളത്തിന്റെ ആരോഗ്യമേഖലയിൽ വൻ നിക്ഷേപവുമായി ആസ്റ്റർ; മുഖ്യമന്ത്രിയുമായി കൂടിക്കാഴ്ച നടത്തി ഡോ. ആസാദ് മൂപ്പൻ

സംസ്ഥാനത്തെ ആരോഗ്യ, വിദ്യാഭ്യാസ, തൊഴിൽ മേഖലകളിൽ കൂടുതൽ നിക്ഷേപങ്ങൾ നടത്താനുള്ള പദ്ധതികളുമായി ആസ്റ്റർ ഡിഎം ഹെൽത്ത്‌കെയർ ചെയർമാൻ ഡോ. ആസാദ് മൂപ്പൻ.

മുഖ്യമന്ത്രിയുമായുള്ള കൂടിക്കാഴ്ചയിൽ വികസനോന്മുഖമായ ബജറ്റ് അവതരിപ്പിച്ചതിന് അദ്ദേഹം സർക്കാരിനെ അഭിനന്ദിച്ചു. കേരളത്തിന്റെ അടിസ്ഥാന സൗകര്യ വികസനത്തിലും സാമൂഹിക ക്ഷേമ പ്രവർത്തനങ്ങളിലും ആസ്റ്റർ നൽകുന്ന പിന്തുണ തുടരുമെന്ന് അദ്ദേഹം വ്യക്തമാക്കി.

വികസന പദ്ധതികളും നിക്ഷേപവും ആസ്റ്ററും ക്വാളിറ്റി കെയർ ഇന്ത്യയും തമ്മിലുള്ള ലയനത്തിന് ശേഷം കേരളത്തിലെ ആരോഗ്യ ശൃംഖല കൂടുതൽ വിപുലമാവുകയാണ്. ഇതിന്റെ ഭാഗമായി സംസ്ഥാനത്ത് 4575 കിടക്കകളുള്ള 11 ആശുപത്രികൾ പ്രവർത്തിക്കും.

വരും വർഷങ്ങളിൽ 1661 കോടി രൂപയുടെ അധിക നിക്ഷേപം നടത്താനും 1315 കിടക്കകൾ പുതുതായി സജ്ജീകരിക്കാനും ഗ്രൂപ്പ് പദ്ധതിയിടുന്നു. നിലവിൽ 18,400 പേർക്ക് തൊഴിൽ നൽകുന്ന ആസ്റ്റർ, വരും നാളുകളിൽ 7900 അധിക തൊഴിലവസരങ്ങൾ കൂടി സൃഷ്ടിക്കുമെന്ന് ഡോ.

ആസാദ് മൂപ്പൻ അറിയിച്ചു. പ്രത്യേകിച്ച്, തിരുവനന്തപുരത്ത് ഉടൻ പ്രവർത്തനം ആരംഭിക്കുന്ന 454 കിടക്കകളുള്ള ആശുപത്രി തെക്കൻ കേരളത്തിലെ ചികിത്സാ സൗകര്യങ്ങൾക്ക് വൻ കരുത്താകും.

സാമൂഹിക സേവനവും കാൻസർ കെയറും വയനാട് ഉരുൾപൊട്ടൽ ദുരന്തത്തെത്തുടർന്ന് ആസ്റ്റർ വോളന്റിയർമാർ നടത്തിയ ദുരിതാശ്വാസ പ്രവർത്തനങ്ങളെക്കുറിച്ചും മന്ത്രി സിദ്ദിഖുമായുള്ള സഹകരണത്തെക്കുറിച്ചും അദ്ദേഹം പരാമർശിച്ചു. കൂടാതെ, 120 കോടി രൂപയുടെ കാൻസർ കെയർ സി.എസ്.ആർ പ്രോഗ്രാമിന് തുടക്കം കുറിച്ചതായും ഡോ.

ആസാദ് മൂപ്പൻ വ്യക്തമാക്കി. ഇതിന്റെ ആദ്യ ഘട്ടമായി വയനാട്ടിൽ അത്യാധുനിക ലീനിയർ ആക്സിലറേറ്റർ സ്ഥാപിക്കും.

കേരളത്തിലെ ആരോഗ്യരംഗത്തെ നൈപുണ്യമുള്ള വിദഗ്ധരെയും ഡോക്ടർമാരെയും നഴ്സുമാരെയും അദ്ദേഹം പ്രശംസിച്ചു. ആസ്റ്ററിന്റെ വളർച്ചയിൽ കേരളത്തിന് എന്നും സവിശേഷമായ സ്ഥാനമാണുള്ളതെന്ന് വ്യക്തമാക്കിയ അദ്ദേഹം, സംസ്ഥാനത്തെ ഇന്ത്യയിലെ മുൻനിര ആരോഗ്യ കേന്ദ്രമാക്കി മാറ്റാനുള്ള സർക്കാർ ലക്ഷ്യത്തോടൊപ്പം ആസ്റ്റർ ഉണ്ടാവുമെന്ന് ഉറപ്പുനൽകി.