യുഎഇയിലെ ഹോം കെയർ രംഗത്തേക്ക് വനിതാ അസിസ്റ്റന്റ് നഴ്സുമാരെ നിയമിക്കുന്നതിനായി കേരള സർക്കാരിന്റെ കീഴിലുള്ള പൊതുമേഖലാ സ്ഥാപനമായ ഒഡെപെക് (ODEPC) അപേക്ഷ ക്ഷണിച്ചു. തികച്ചും സൗജന്യമായ റിക്രൂട്ട്മെന്റ് നടപടികളിലൂടെ 50 ഒഴിവുകളിലേക്കാണ് ഇപ്പോൾ അപേക്ഷകൾ സ്വീകരിക്കുന്നത്.
യോഗ്യതയും മാനദണ്ഡങ്ങളും
ബിഎസ്സി നഴ്സിങ് അല്ലെങ്കിൽ ജിഎൻഎം (GNM) യോഗ്യതയുള്ളവർക്ക് ഈ തസ്തികയിലേക്ക് അപേക്ഷിക്കാം. കുറഞ്ഞത് ഒരു വർഷത്തെ പ്രവൃത്തിപരിചയമുള്ള 20 നും 40 നും ഇടയിൽ പ്രായമുള്ളവർക്ക് അവസരമുണ്ട്.
ഉദ്യോഗാർത്ഥികൾക്ക് കുറഞ്ഞത് അഞ്ച് അടി ഉയരം ഉണ്ടായിരിക്കണം. കൂടാതെ, ബോഡി മാസ് ഇൻഡക്സ് (BMI) മാനദണ്ഡങ്ങൾ പാലിക്കുന്നവർക്ക് മാത്രമെ നിയമനം ലഭിക്കുകയുള്ളൂ.
ഇംഗ്ലീഷ് ഭാഷാ പ്രാവീണ്യത്തോടൊപ്പം ട്രാക്കിയോസ്റ്റമി കെയർ, കത്തീറ്റർ കെയർ, ബെഡ്സോർ പ്രിവൻഷൻ, എൻജിടി/പിഇജി ഫീഡിങ് എന്നിവയിലുള്ള അറിവും അനിവാര്യമാണ്. ലൈസൻസ് സംബന്ധമായ വിവരങ്ങൾ
യുഎഇ ആരോഗ്യ മന്ത്രാലയത്തിന്റെയോ ദുബായ് ഹെൽത്ത് അതോറിറ്റിയുടെയോ ലൈസൻസ് കൈവശമുള്ളവർക്കും അല്ലാത്തവർക്കും അപേക്ഷിക്കാം.
ഡാറ്റാഫ്ലോ പൂർത്തിയാക്കിയവർക്കും അതിനായുള്ള നടപടികളിൽ ഏർപ്പെട്ടിരിക്കുന്നവർക്കും മുൻഗണന ലഭിക്കും. ലൈസൻസ് ഇല്ലാത്തവർ തിരഞ്ഞെടുക്കപ്പെട്ട
ശേഷം അത് കരസ്ഥമാക്കിയാൽ മതിയാകും. വേതനവും മറ്റ് ആനുകൂല്യങ്ങളും
തിരഞ്ഞെടുക്കപ്പെടുന്നവർക്ക് 3,500 ദിർഹം മാസശമ്പളത്തിന് പുറമെ ഓവർടൈം ആനുകൂല്യങ്ങളും ലഭിക്കും.
കമ്പനി സൗജന്യ താമസസൗകര്യവും ജോലിസ്ഥലത്തേക്കുള്ള യാത്ര സൗകര്യവും ഉറപ്പാക്കുന്നു. എന്നിരുന്നാലും, താമസസ്ഥലത്തെ വൈദ്യുതി, വെള്ളം, ഇന്റർനെറ്റ് തുടങ്ങിയ ചെലവുകളിലേക്ക് 100 മുതൽ 150 ദിർഹം വരെ ഉദ്യോഗാർത്ഥികൾ പങ്കിട്ടു നൽകേണ്ടതുണ്ട്.
കൂടാതെ, രണ്ട് വർഷത്തെ എംപ്ലോയ്മെന്റ് വീസയും സൗജന്യ മെഡിക്കൽ ഇൻഷുറൻസും ലഭ്യമാകും. അപേക്ഷ സമർപ്പിക്കേണ്ട
വിധം
താത്പര്യമുള്ള ഉദ്യോഗാർത്ഥികൾ പുതുക്കിയ ബയോഡാറ്റ, പാസ്പോർട്ട് കോപ്പി, നഴ്സിങ് സർട്ടിഫിക്കറ്റുകൾ, പ്രവൃത്തിപരിചയ സർട്ടിഫിക്കറ്റുകൾ എന്നിവയുടെ സ്കാൻ ചെയ്ത പകർപ്പുകൾ ഒഡെപെക്കിന്റെ ഔദ്യോഗിക ഇമെയിൽ വിലാസത്തിലേക്ക് അയക്കേണ്ടതാണ്. ഇമെയിലിന്റെ സബ്ജക്ട് ലൈനിൽ ‘Assistant Nurse to UAE’ എന്ന് നിർബന്ധമായും രേഖപ്പെടുത്തണം.
അപേക്ഷ സമർപ്പിക്കാനുള്ള അവസാന തീയതി ജൂൺ 30 ആണ്. കൂടുതൽ വിവരങ്ങൾക്കും രജിസ്ട്രേഷൻ നടപടികൾക്കും ഒഡെപെക്കിന്റെ ഔദ്യോഗിക വെബ്സൈറ്റ് സന്ദർശിക്കാവുന്നതാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
