യാത്രയ്ക്കിടെ പ്രാണരക്ഷാർ പാഞ്ഞടുത്ത ബസ് ഡ്രൈവറെ കത്തി കാണിച്ച് ഭയപ്പെടുത്തി വധശ്രമം നടത്തിയ സംഭവത്തിൽ പ്രതി പിടിയിൽ. കാഞ്ഞിരപ്പള്ളിയിൽ വെച്ചാണ് ഈ ഞെട്ടിക്കുന്ന സംഭവം അരങ്ങേറിയത്.
ചേനപ്പാടി- കാഞ്ഞിരപ്പള്ളി- ഈരാറ്റുപേട്ട റൂട്ടിൽ സർവീസ് നടത്തുന്ന സ്വകാര്യ ബസിന്റെ ഡ്രൈവറായ ഈരാറ്റുപേട്ട
കടുക്കാപ്പറമ്പിൽ നെബുവിനെ (44) ആണ് അക്രമിക്കാൻ ശ്രമം നടന്നത്. ഈ കേസിൽ കാഞ്ഞിരപ്പള്ളി സ്വദേശിയായ പ്രസാദ് എന്നയാളെയാണ് പൊലീസ് പിടികൂടിയത്.
സംഭവത്തെക്കുറിച്ച് പൊലീസ് നൽകുന്ന വിവരങ്ങൾ ഇങ്ങനെ: ബുധനാഴ്‌ച ഉച്ചകഴിഞ്ഞ് മൂന്നു മണിയോടെ മണ്ണാറക്കയം ഭാഗത്തുനിന്നാണ് പ്രതിയായ പ്രസാദ് സർവീസ് ബസിൽ കയറുന്നത്. തുടർന്ന് യാതൊരു പ്രകോപനവുമില്ലാതെ ഡ്രൈവർ സീറ്റിന്റെ ക്യാബിനിലേക്ക് അതിക്രമിച്ചു കയറിയ ഇയാൾ നെബുവിനെ അസഭ്യം പറയുകയും കൈവശമുണ്ടായിരുന്ന കത്തിയെടുത്ത് കുത്താൻ ശ്രമിക്കുകയുമായിരുന്നു.
എന്നാൽ സമയോചിതമായി ബസ് നിർത്തി ഡ്രൈവർ പുറത്തേക്ക് ചാടി ഓടിയതുകൊണ്ട് മാത്രമാണ് വൻ ദുരന്തം ഒഴിവായതും പരിക്കുകളിൽ നിന്ന് രക്ഷനേടാനായതും. അറസ്റ്റിലായ പ്രതിയെ തുടർനടടപടികളുടെ ഭാഗമായി കോടതിയിൽ ഹാജരാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
