ഇന്ത്യ – ന്യൂസീലൻഡ് സ്വതന്ത്ര വ്യാപാര കരാർ ഒക്ടോബർ 20 മുതൽ പ്രാബല്യത്തിൽ; കയറ്റുമതി രംഗത്ത് ചരിത്രപരമായ കുതിപ്പിന് കളമൊരുങ്ങുന്നു

നീണ്ട ഒൻപതു മാസത്തെ കാത്തിരിപ്പിനൊടുവിൽ രൂപംകൊണ്ട

ചരിത്രപ്രധാനമായ ഇന്ത്യ–ന്യൂസീലൻഡ് സ്വതന്ത്ര വ്യാപാര കരാർ വരുന്ന ഒക്ടോബർ 20 മുതൽ യാഥാർത്ഥ്യമാകുന്നു. ഈ നിർണായക തീയതി മുതൽ ന്യൂസീലൻഡിലേക്കുള്ള ഇന്ത്യൻ ഉൽപ്പന്നങ്ങളുടെ കയറ്റുമതി പൂർണ്ണമായും തീരുവ രഹിതമായി മാറും.

രാജ്യത്തെ ചെറുകിട വ്യവസായ മേഖലയ്ക്കും, തൊഴിലന്വേഷകർക്കും, കർഷകർക്കും ഒരുപോലെ വലിയ നേട്ടങ്ങൾ സമ്മാനിക്കുന്നതാണ് ഈ ഉഭയകക്ഷി നീക്കം.

അടുത്ത അഞ്ചു വർഷത്തിനുള്ളിൽ ഇരു രാജ്യങ്ങളും തമ്മിലുള്ള വ്യാപാര മൂല്യം 2.4 ബില്യൺ ഡോളറിൽ നിന്ന് ഏകദേശം 5 ബില്യൺ ഡോളറായി ഉയർത്തുക എന്നതാണ് ഈ കരാറിലൂടെ ലക്ഷ്യമിടുന്നത്. കരാറിൻ്റെ പശ്ചാത്തലവും രൂപീകരണവും ഇന്ത്യയും ന്യൂസീലൻഡും തമ്മിലുള്ള സാമ്പത്തിക പങ്കാളിത്തം കൂടുതൽ ദൃഢമാക്കുന്നതിന്റെ ഭാഗമായാണ് ഈ സ്വതന്ത്ര വ്യാപാര കരാർ ഒപ്പുവെച്ചിരിക്കുന്നത്.

ഈ തന്ത്രപ്രധാന കരാറിന്റെ കീഴിൽ, എല്ലാ ഇന്ത്യൻ ഉൽപ്പന്നങ്ങൾക്കും ന്യൂസീലൻഡ് ഭരണകൂടം 100 ശതമാനം നികുതി ഇളവ് പ്രഖ്യാപിച്ചിട്ടുണ്ട്. 2026 ഏപ്രിൽ 27-നു ഡൽഹിയിൽ വെച്ച് നടന്ന ഔദ്യോഗിക ചടങ്ങിൽ ഇന്ത്യൻ വാണിജ്യമന്ത്രി പീയുഷ് ഗോയലും ന്യൂസീലൻഡ് വാണിജ്യ–നിക്ഷേപ മന്ത്രി ടോഡ് മക്‌ക്ലേയുമാണ് കരാറിൽ ഒപ്പുവെച്ചത്.

തുടർന്ന് സെപ്റ്റംബർ 16-നു ന്യൂസീലൻഡ് പാർലമെന്റ് ഈ കരാറിന് ഔദ്യോഗിക അംഗീകാരം നൽകുകയുണ്ടായി. പാർലമെന്റിൽ നടന്ന വോട്ടെടുപ്പിൽ 29നെതിരെ 93 വോട്ടുകളുടെ ചരിത്രപരമായ ഭൂരിപക്ഷത്തോടെയാണ് കരാറുമായി ബന്ധപ്പെട്ട

നിയമനിർമാണം പാസായത്. വ്യാപാരത്തിനപ്പുറം വിപുലമായ സഹകരണം കേവലം വ്യാപാര ഇടപാടുകളിൽ മാത്രം ഒതുങ്ങുന്നതല്ല ഈ പുതിയ കരാർ.

കാർഷികോൽപ്പാദന രംഗത്ത് ഇരുരാജ്യങ്ങളും തമ്മിലുള്ള ശക്തമായ പങ്കാളിത്തത്തിനും ഇതിൽ വ്യവസ്ഥയുണ്ട്. കിവി, ആപ്പിൾ, തേൻ എന്നിവയുടെ ഉൽപ്പാദനത്തിൽ ഇന്ത്യൻ കർഷകർക്ക് വിദഗ്ധ പരിശീലനം ലഭ്യമാക്കുന്നതിനായി ന്യൂസീലൻ‌ഡ് അഗ്രി–ടെക്നോളജി ആക്ഷൻ പ്ലാൻ ഈ കരാറിന്റെ ഭാഗമായി നടപ്പിലാക്കും.

വിളവെടുപ്പിനു ശേഷമുള്ള സംസ്‌കരണ രീതികൾ, വിതരണ ശൃംഖലകൾ, ഭക്ഷ്യ സുരക്ഷ, സുസ്ഥിര തേനീച്ച വളർത്തൽ തുടങ്ങിയ മേഖലകളിലെ സഹകരണ പദ്ധതികൾ ഇതിൽ ഉൾപ്പെടുന്നു. കൃഷി, ഉൽപ്പാദന മേഖല, അടിസ്ഥാന സൗകര്യ വികസനം, സ്റ്റാർട്ടപ്പുകൾ തുടങ്ങി വിവിധ മേഖലകളിലായി ന്യൂസീലൻഡ് 20 ബില്യൺ ഡോളറിന്റെ നിക്ഷേപം ഇന്ത്യയിൽ നടത്തും.

കൂടാതെ, കൂടുതൽ തൊഴിൽ വീസകളും, ഇന്ത്യൻ വിദ്യാർത്ഥികൾക്ക് ഉപരിപഠനത്തോടൊപ്പം കൂടുതൽ സമയം ജോലി ചെയ്യാനുള്ള അവസരവും കരാർ ഉറപ്പുനൽകുന്നുണ്ട്. ഇന്ത്യയുടെ തനതു ചികിത്സാ രീതികളായ ആയുർവേദത്തിനും യോഗയ്ക്കും ഔദ്യോഗിക അംഗീകാരവും പ്രോത്സാഹവനവും നൽകുന്ന പ്രത്യേക ചട്ടക്കൂടും ഇതിലുണ്ട്.

ഒക്ടോബർ 20-നു ശേഷമുള്ള മാറ്റങ്ങൾ കരാർ ഔദ്യോഗികമായി പ്രാബല്യത്തിൽ വരുന്നതോടെ ഇന്ത്യയിൽ നിന്നും കയറ്റി അയക്കുന്ന ആകെ 8,284 ഇനം ഉൽപ്പന്നങ്ങളും പൂർണ്ണമായും തീരുവ രഹിതമായി മാറും. നിലവിൽ ഇന്ത്യൻ ഉൽപ്പന്നങ്ങൾക്ക്മേൽ ശരാശരി 2.2 ശതമാനം തീരുവയാണ് ന്യൂസീലൻഡ് ചുമത്തുന്നത്.

തുണിത്തരങ്ങൾ, സെറാമിക്സ്, ഓട്ടോമൊബീൽ അടക്കമുള്ള 450-ഓളം ഉൽപ്പന്നങ്ങൾക്ക് 10 ശതമാനം വരെ തീരുവ ഈടാക്കിയിരുന്നതും ഇനിമുതൽ പൂർണ്ണമായി ഒഴിവാകും. മറുവശത്ത്, ന്യൂസീലൻഡിൽ നിന്ന് ഇന്ത്യയിലേക്ക് ഇറക്കുമതി ചെയ്യുന്ന 70.03 ശതമാനം ഉൽപ്പന്നങ്ങളുടെയും തീരുവ ഘട്ടം ഘട്ടമായി കുറയ്ക്കുകയോ ഒഴിവാക്കുകയോ ചെയ്യും.

ആദ്യഘട്ടത്തിൽ തന്നെ മരത്തടി, കമ്പിളി, ചെമ്മരിയാടിന്റെ മാംസം, ലെതർ തുടങ്ങിയവയുടെ നികുതി പൂർണ്ണമായി ഒഴിവാകും. എന്നാൽ രാജ്യത്തെ കർഷകരുടെയും തദ്ദേശീയ വ്യവസായങ്ങളുടെയും താൽപര്യങ്ങൾ സംരക്ഷിക്കുന്നതിനായി ക്ഷീര ഉൽപ്പന്നങ്ങൾ, സവാള, പഞ്ചസാര, കടല, പയർ, ചോളം, ബദാം, സുഗന്ധവ്യഞ്ജനങ്ങൾ, ഭക്ഷ്യ എണ്ണ, റബർ, അരി തുടങ്ങിയ നിർണ്ണായക ഉൽപ്പന്നങ്ങൾക്ക് ഇന്ത്യ യാതൊരുവിധ നികുതി ഇളവും നൽകിയിട്ടില്ല.

ഇന്ത്യയ്ക്കുള്ള പ്രധാന നേട്ടങ്ങൾ:
* അടുത്ത 15 വർഷത്തിനിടയിൽ ന്യൂസീലൻഡിൽ നിന്ന് 2,000 കോടി ഡോളറിന്റെ നേരിട്ടുള്ള വിദേശനിക്ഷേപം.
* പ്രതിവർഷം 1,667 ഇന്ത്യക്കാർക്ക് 3 വർഷത്തെ താൽക്കാലിക തൊഴിൽ വീസകൾ (മെഡിക്കൽ, എൻജിനീയറിങ്, നിർമാണ മേഖലകളിലായി 1,446 വീസകളും, യോഗാ അധ്യാപകർ, സംഗീതജ്ഞർ, ഷെഫുകൾ, ആയുർവേദ പ്രാക്ടീഷണർമാർ എന്നിവർക്കായി 500 വീസകളും ഉൾപ്പെടുന്നു).
* ന്യൂസീലൻഡിലെ ഇന്ത്യൻ വിദ്യാർത്ഥികൾക്ക് പ്രതിവാരം 20 മുതൽ 25 മണിക്കൂർ വരെ ജോലി ചെയ്യാൻ അവസരം.
* ഐടി, പ്രൊഫഷണൽ സേവനങ്ങൾ, സിനിമാ-ഓഡിയോവിഷ്വൽ രംഗം, ടൂറിസം ഉൾപ്പെടെ 118-ലേറെ സേവന മേഖലകളിൽ ഇന്ത്യൻ കമ്പനികൾക്ക് വിപണി പ്രവേശനം.
* ന്യൂസീലൻഡിൽ ബിരുദം പൂർത്തിയാക്കിയവർക്ക് 2 വർഷവും, പിഎച്ച്ഡി ചെയ്തവർക്ക് 4 വർഷവും അവിടെ ജോലി ചെയ്യാനുള്ള അവസരം. സ്റ്റെം (STEM) ബിരുദം നേടിയവർക്ക് 3 വർഷത്തെ കാലാവളിയും ലഭിക്കും.
* ഹ്രസ്വകാല ജോലികൾക്കായി ഇന്ത്യക്കാർക്ക് ഓരോ വർഷവും 1,000 ‘വർക് ആൻഡ് ഹോളിഡേ’ വീസകൾ.
* ആഗോള ഏജൻസികളുടെ ക്ലിയറൻസുള്ള ഇന്ത്യൻ മരുന്നുകൾക്ക് ന്യൂസീലൻഡിൽ അധിക പരിശോധനകളില്ലാതെ അംഗീകാരം.

ന്യൂസീലൻഡിനുള്ള പ്രധാന നേട്ടങ്ങൾ:
* ആപ്പിൾ, കിവി പഴം, തേൻ എന്നിവ ക്വോട്ട അടിസ്ഥാനത്തിൽ കുറഞ്ഞ തീരുവയിൽ ഇന്ത്യയിലേക്ക് കയറ്റുമതി ചെയ്യാം.
* വൈൻ, ഫാർമസ്യൂട്ടിക്കൽ ഉൽപ്പന്നങ്ങൾ, പോളിമറുകൾ, അലുമിനിയം എന്നിവയ്ക്ക് ഇന്ത്യയിൽ നികുതിയിളവ് ലഭിക്കും.
* ഇറക്കുമതി ചെയ്യുന്ന മരത്തടി ഉൽപ്പന്നങ്ങളുടെ 95 ശതമാനത്തിനും കരാറിന്റെ ആദ്യദിനം തന്നെ തീരുവ ഒഴിവാകും.
* കടൽവിഭവങ്ങൾക്കും മത്സ്യങ്ങൾക്കും 7 വർഷത്തിനകം തീരുവ പൂർണ്ണമായി ഒഴിവാക്കപ്പെടും.