സംസ്ഥാനത്ത് ലഹരിക്കെതിരെയുള്ള നടപടികൾ ശക്തമാക്കിയതിന്‍റെ ഭാഗമായി, കാപ്പാ കേസ് പ്രതി മാരക ലഹരിമരുന്നായ എംഡിഎംഎയുമായി എക്സൈസ് സംഘത്തിന്റെ പിടിയിലായി. പുള്ളിക്കോണം ആറ്റരികത്തു വീട്ടിൽ ആർ.
രാഹുൽ (32) ആണ് നെടുമങ്ങാട് എക്സൈസ് റേഞ്ച് സംഘത്തിന്റെ പിടിയിലായത്. പ്രതിയിൽ നിന്ന് 2.523 ഗ്രാം എംഡിഎംഎ പിടിച്ചെടുത്തതായി എക്സൈസ് അധികൃതർ വ്യക്തമാക്കി.
എക്സൈസ് വകുപ്പ് സംസ്ഥാന വ്യാപകമായി ഊർജിതമാക്കിയിട്ടുള്ള ‘ഓപ്പറേഷൻ തണ്ടർ’ പദ്ധതിയുടെ ഭാഗമായി, പനക്കോട്, പുള്ളിക്കോണം എന്നീ മേഖലകളിൽ നടത്തിയ പ്രത്യേക പരിശോധനയ്ക്കിടെയാണ് ഇയാൾ കുടുങ്ങിയത്. നെടുമങ്ങാട് എക്സൈസ് റേഞ്ച് ഇൻസ്പെക്ടർ നന്ദു തേജസ്ന്‍റെ നേതൃത്വത്തിലുള്ള ഉദ്യോഗസ്ഥരാണ് പരിശോധനയ്ക്ക് നേതൃത്വം നൽകിയത്.
അസിസ്റ്റന്‍റ് എക്സൈസ് ഇൻസ്പെക്ടർമാരായ ഗിരീഷ്, പ്രേമനാഥൻ, ബിജു, പ്രിവന്‍റീവ് ഓഫീസർ ഷജീം, സിവിൽ എക്സൈസ് ഓഫീസർമാരായ ശ്രീകേഷ്, കിരൺ എന്നിവരടങ്ങുന്ന സംഘമാണ് പരിശോധന നടത്തിയത്. തുടർന്ന് നെടുമങ്ങാട് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
