സിംബാബ്വെയിലെ പ്രശസ്തമായ കരീബ തടാകത്തിൽ ഉണ്ടായ ബോട്ട് അപകടത്തിൽ 44 പേർ ദാരുണമായി മരണപ്പെട്ടു. ചൊവ്വാഴ്ചയാണ് ഈ ദുരന്തം സംഭവിച്ചത്.
കനത്ത കാറ്റും ശക്തമായ തിരമാലകളുമാണ് യാത്രാ ഫെറി മറിയാൻ ഇടയാക്കിയത്. 90 യാത്രാ ശേഷിയുള്ള ഈ ബോട്ടിൽ 120-ലധികം ആളുകൾ ഉണ്ടായിരുന്നതായാണ് ഔദ്യോഗിക വിവരങ്ങൾ വ്യക്തമാക്കുന്നത്.
അപകടത്തെത്തുടർന്ന് നടത്തിയ രക്ഷാപ്രവർത്തനത്തിൽ 77 പേരെ സുരക്ഷിതമായി പുറത്തെടുക്കാൻ സാധിച്ചു. അപകടത്തിൽ തകർന്ന ഫെറിയുടെ അവശിഷ്ടങ്ങൾ വെള്ളത്തിന് മുകളിൽ പൊങ്ങിക്കിടക്കുന്ന ദൃശ്യങ്ങൾ പുറത്തുവന്നിട്ടുണ്ട്.
സാംബിയൻ അതിർത്തിയിൽ സ്ഥിതി ചെയ്യുന്ന കരീബ തടാകം ലോകത്തിലെ ഏറ്റവും വലിയ മനുഷ്യനിർമ്മിത ജലാശയങ്ങളിൽ ഒന്നാണ്. രണ്ട് രാജ്യങ്ങൾക്കും ആവശ്യമായ ജലവൈദ്യുതി ഉത്പാദനത്തിനൊപ്പം ഗതാഗതത്തിനും മത്സ്യബന്ധനത്തിനും ഈ ജലാശയം പ്രധാനപ്പെട്ടതാണ്.
“മോശം കാലാവസ്ഥയിലാണ് ബോട്ട് സഞ്ചരിച്ചിരുന്നത്. ഒരുപക്ഷേ തിരമാലയടിച്ചതിനെത്തുടർന്ന് എഞ്ചിനുകൾ നിലച്ചുപോയതാകാം,” എന്ന് ഒരു ദൃക്സാക്ഷി സംഭവത്തെക്കുറിച്ച് പ്രതികരിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
