എം. പത്മകുമാര്‍ ഒരുക്കുന്ന ക്രൈംത്രില്ലര്‍ സിനിമയുടെ ചിത്രീകരണം കര്‍ണാടകയിലെ കൂര്‍ഗില്‍ ആരംഭിച്ചു. കുശാല്‍ നഗറിലെ ഹെഗ്ഡള്ളി ഗ്രാമത്തിലാണ് ഷൂട്ടിങ്. ക്രിയേറ്റീവ് ഹെഡും, ലൈന്‍ പ്രൊഡ്യൂസറുമായ നിഖില്‍ കെ. മേനോന്‍ സ്വിച്ചോണ്‍ നിര്‍വഹിച്ച ചടങ്ങില്‍ മുക്കം പൊലീസ് സര്‍ക്കിള്‍ ഇന്‍സ്പക്ടര്‍ അന്‍ഷാദ് ഫസ്റ്റ് ക്ലാപ്പ് നല്‍കി.
വൗ സിനിമാസിന്റെ ബാനറില്‍ സന്തോഷ് ത്രിവിക്രമനാണ് ചിത്രം നിര്‍മിക്കുന്നത്. കുഞ്ഞമ്മണീസ് ഹോസ്പിറ്റല്‍, പ്രിയന്‍ ഓട്ടത്തിലാണ്, സീക്രട്ട് ഹോം, എന്നീ ചിത്രങ്ങള്‍ നിര്‍മിച്ച വൗസിനിമാസിന്റെ നാലാമതു ചിത്രം കൂടിയാണിത്.
2017-ല്‍ കണ്ണൂരിലെ ഇരിട്ടിയില്‍ നടന്ന ഒരു സംഭവത്തെ ആസ്പദമാക്കിയാണ് ചിത്രം. ഷാജി മാറാടാണ് തിരക്കഥ ഒരുക്കിയിരിക്കുന്നത്. റോഷന്‍ മാത്യുവാണ് ചിത്രത്തിലെ എസ്.ഐ. അജീബ് എന്ന കേന്ദ്ര കഥാപാത്രത്തെ അവതരിപ്പിക്കുന്നത്. ശ്രുതി മേനോനാണ് നായിക.
Photo: Special arrangement
ബൈജു സന്തോഷ്, വിനീത് തട്ടില്‍, ഷാജു ശ്രീധര്‍, ഹരീഷ്, വിനോദ് സാഗര്‍, അതുല്യ ചന്ദ്രന്‍, മാസ്റ്റര്‍ ആര്യന്‍ എസ്. പൂജാരി ബേബിമിത്രാ സഞ്ജയ്, എന്നിവരും പ്രധാന വേഷങ്ങളിലെത്തുന്നു. ഷിബു ചക്രവര്‍ത്തി, സന്തോഷ് വര്‍മ, എന്നിവരുടേതാണ് ഗാനരചന. ജെറി അമല്‍ദേവ്, മണികണ്ഠന്‍ അയ്യപ്പ എന്നിവരുടേതാണ് സംഗീതം. കൂര്‍ഗ്, കണ്ണൂര്‍, തലശ്ശേരി, ഇരിട്ടി, മുംബൈ എന്നിവിടങ്ങളിലായി ചിത്രത്തിന്റെ ചിത്രീകരണം പൂര്‍ത്തിയാകും.
ഛായാഗഹണം-അജയ് ഡേവിഡ് കാച്ചപ്പിള്ളി, എഡിറ്റിങ്- രഞ്ജന്‍ ഏബ്രഹാം, കലാസംവിധാനം- സാബു റാം, മേക്കപ്പ്- പി.വി. ശങ്കര്‍, കോസ്റ്റ്യൂം ഡിസൈന്‍- അയിഷാ സഫീര്‍സേട്ട്, നിശ്ചല ഛായാഗ്രഹണം- സലീഷ് പെരിങ്ങോട്ടുകര, ചീഫ് അസ്സോസ്സിയേറ്റ് ഡയറക്ടര്‍- കെ.ജെ. വിനയന്‍, അസ്സോസ്സിയേറ്റ് ഡയറക്ടേഴ്‌സ്- പ്രസാദ് യാദവ്, ഗോപന്‍ കുറ്റിയാനിക്കാട്, സഹസംവിധാനം- ആകാശ് എം., കിരണ്‍ ചന്ദ്രശേഖരന്‍, സജി മുണ്ടൂര്‍, ഉണ്ണി വരദം, ഫിനാന്‍സ് കണ്‍ട്രോളര്‍-ആശിഷ് പാലാ, പ്രൊഡകഷന്‍ മാനേജേഴ്‌സ്- അതുല്‍ കൊടുമ്പാടന്‍, അനില്‍ ആസാദ്, പ്രൊഡക്ഷന്‍ എക്‌സിക്യൂട്ടീവ്- പ്രതാപന്‍ കല്ലിയൂര്‍, പ്രൊഡക്ഷന്‍ കണ്‍ട്രോളര്‍- പ്രവീണ്‍ ബി. മേനോന്‍, പിആര്‍ഒ: വാഴൂര്‍ ജോസ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
