ഗൂഗിൾ ഷീറ്റ്സ് ഇനി കൂടുതൽ സ്മാർട്ട്; ജെമിനി (Gemini) എഐ ഉപയോഗിച്ച് സ്പ്രെഡ്ഷീറ്റുകൾ എളുപ്പത്തിൽ കൈകാര്യം ചെയ്യാം

പലവിധ ആവശ്യങ്ങൾക്കായി ഓരോ ആപ്പുകൾ ഡൗൺലോഡ് ചെയ്ത് ഫോണിലെ സ്റ്റോറേജ് നിറയ്ക്കുന്ന രീതിക്ക് വിരാമമിടുകയാണ് ഗൂഗിൾ. ദൈനംദിന ജീവിതത്തിലെ ബജറ്റ് പ്ലാനിംഗ്, യാത്രാ ആസൂത്രണം, പ്രോജക്റ്റ് ട്രാക്കിംഗ് തുടങ്ങിയ കാര്യങ്ങൾക്കായി പ്രത്യേകം ആപ്പുകളെ ആശ്രയിക്കുന്നതിന് പകരം Google Sheets ഉപയോഗിക്കുന്നത് കൂടുതൽ പ്രായോഗികമാണെന്ന് പലരും തിരിച്ചറിഞ്ഞു കഴിഞ്ഞു.

എന്നാൽ ഒരു സ്പ്രെഡ്ഷീറ്റ് പൂജ്യം മുതൽ നിർമ്മിച്ചെടുക്കുക എന്നത് ഏറെ സമയമെടുക്കുന്ന ഒന്നായിരുന്നു. ഈ തടസ്സത്തിനാണ് Gemini എന്ന എഐ ടൂൾ ഇപ്പോൾ പരിഹാരമായിരിക്കുന്നത്.

ജെമിനിയുടെ പ്രവർത്തനം
സ്പ്രെഡ്ഷീറ്റുകളിൽ ഫോർമുലകൾ എഴുതുന്നതിനും ഡാറ്റാ ക്രമീകരിക്കുന്നതിനുമുള്ള സങ്കീർണ്ണമായ ജോലികൾ Gemini ലഘൂകരിക്കുന്നു. സ്പ്രെഡ്ഷീറ്റ് ഉപയോഗിക്കുന്നവർക്ക് കമ്പ്യൂട്ടറിൽ മുകളിൽ വലതുവശത്തുള്ള ‘Ask Gemini’ ബട്ടൺ ക്ലിക്ക് ചെയ്താൽ സൈഡ് പാനൽ തുറക്കാൻ സാധിക്കും.

ഇവിടെ ഉപയോക്താക്കൾക്ക് തങ്ങൾക്ക് എന്താണോ വേണ്ടത് അത് ലളിതമായ ഇംഗ്ലീഷ് ഭാഷയിൽ വിവരിച്ചു നൽകാവുന്നതാണ്. ഉദാഹരണത്തിന്, ഒരു ബജറ്റ് ട്രാക്കർ നിർമ്മിക്കണമെങ്കിൽ അതിനുള്ള നിർദ്ദേശം നൽകിയാൽ മതി.

യാത്രകളും ബജറ്റും ഇനി വിരൽത്തുമ്പിൽ
പ്രത്യേകം ആപ്പുകൾക്ക് പകരം ഗൂഗിൾ ഷീറ്റ്സ് ഉപയോഗിച്ച് കാര്യങ്ങൾ എളുപ്പമാക്കുന്ന രീതി ഇതാ:
* ബജറ്റ് ട്രാക്കിംഗ്: “Create a monthly budget tracker with separate sections for income and expenses. Add columns for Category, Budgeted Amount, Actual Amount, and Difference, and calculate the remaining budget automatically.

Include a dashboard with charts showing spending by category and total monthly expenses. Highlight categories where I’ve gone over budget, and add a section summarizing my total income, total expenses, and remaining balance.” എന്ന നിർദ്ദേശം നൽകിയാൽ നിമിഷങ്ങൾക്കുള്ളിൽ ജെമിനി ട്രാക്കർ തയ്യാറാക്കി നൽകും.
* യാത്രാ പ്ലാനിംഗ്: വിമാന ടിക്കറ്റുകൾ, ഹോട്ടൽ ബുക്കിംഗുകൾ, യാത്രാവിവരങ്ങൾ എന്നിവയ്ക്കായി വെവ്വേറെ ടാബുകൾ തുറക്കുന്നതിന് പകരം, “Create a travel planner for my trip with separate sections for flights, accommodation, daily itinerary, transportation, budget, packing list, and important reservation details.

Add columns for dates, times, confirmation numbers, estimated costs, and notes. Include a dashboard for my total trip budget and daily spending.

Additionally, add checkboxes to track completed activities and packing items.” എന്ന നിർദ്ദേശം നൽകി ഷീറ്റ് സജ്ജമാക്കാം. സങ്കീർണ്ണമായ ഫോർമുലകൾ ഇനി പേടിയാവില്ല
സ്പ്രെഡ്ഷീറ്റുകൾ ഉപയോഗിക്കുന്നതിൽ പലർക്കും വെല്ലുവിളിയാകുന്നത് ഫോർമുലകളാണ്.

ഇതിന്റെ സിന്റാക്സ് ഓർമ്മിച്ചുവെക്കുന്നതിനോ പിഴവുകൾ തിരുത്തുന്നതിനോ കൂടുതൽ സമയം വേണ്ടിവരാറുണ്ട്. Gemini ഈ പ്രശ്നം പരിഹരിക്കുന്നു.

ആവശ്യമായ ഫോർമുലകൾ നിർദ്ദേശിക്കുകയും അത് എങ്ങനെ പ്രവർത്തിക്കുന്നു എന്ന് വിശദീകരിച്ചു നൽകുകയും ചെയ്യാൻ ജെമിനിക്ക് കഴിയും. പിവറ്റ് ടേബിളുകൾ നിർമ്മിക്കാനും ഡാറ്റാ ഫോർമാറ്റിംഗ് നടത്താനും ഇത് സഹായിക്കുന്നു.

നിലവിൽ ഗൂഗിൾ വർക്ക്‌സ്‌പേസ് ഉപഭോക്താക്കൾക്കും Google AI plan വരിക്കാർക്കും ഈ സേവനം ലഭ്യമാണ്. പുതിയ ആപ്പുകൾ ഇൻസ്റ്റാൾ ചെയ്യുന്നതിന് പകരം, ലഭ്യമായ ടൂളുകളെ എഐ സഹായത്തോടെ കൂടുതൽ കാര്യക്ഷമമായി ഉപയോഗിക്കാൻ സാധിക്കുമെന്നത് വലിയ മാറ്റമാണ്.