അഹമ്മദാബാദ് : ഗുജറാത്തിൽ വയോധിക ഉൾപ്പെടെ ഒരു കുടുംബത്തിലെ നാല് പേരെ മരിച്ച നിലയിൽ കണ്ടെത്തി. അഹമ്മദാബാദിലാണ് സംഭവം. വിരാട്‌നഗർ സ്വദേശികളായ സൊനാൽ മറാത്തി (37), മക്കളായ പ്രഗതി (15), ഗണേഷ് (17), സൊനാലിന്ഡറെ മുത്തശ്ശി സുഭദ്ര (75) എന്നിവരാണ് കൊല്ലപ്പെട്ടത്. സംഭവത്തിൽ പോലീസ് അന്വേഷണം ആരംഭിച്ചു.
കഴിഞ്ഞ ദിവസം രാത്രിയാണ് നാല് പേരുടെയും മൃതദേഹം വീടിനുള്ളിൽ നിന്നും കണ്ടെത്തിയത്. അഴുകിയ നിലയിൽ ആയിരുന്നു നാല് മൃതദേഹങ്ങളും. മറ്റൊരു സ്ഥലത്തുള്ള സൊനാലിന്റെ മാതാവ് രണ്ട് ദിവസമായി ഇവരുമായി ബന്ധപ്പെടാൻ ശ്രമിക്കുന്നുണ്ടെങ്കിലും കഴിഞ്ഞിരുന്നില്ല. തുടർന്ന് പോലീസിൽ പരാതി നൽകി. പോലീസ് എത്തി വീട് തുറന്ന് നോക്കിയപ്പോഴാണ് മൃതദേഹങ്ങൾ കണ്ടത്.
സൊനാലിന്റെ ഭർത്താവായ വിനോദ് മറാത്തിയാണ് കൊലയ്‌ക്ക് പിന്നിൽ എന്നാണ് സൂചന. സംഭവ ശേഷം ഇയാളെ കാണാതെ ആയിട്ടുണ്ട്. ഇയാൾക്കായി പോലീസ് തിരച്ചിൽ തുടരുകയാണ്. നാല് പേരുടെയും മൃതദേഹങ്ങൾ പോസ്റ്റ്‌മോർട്ടത്തിന് ശേഷം ബന്ധുക്കൾക്ക് കൈമാറി.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
