വാഷിംഗ്ടണ്‍- എത്ര കാലത്തേക്കും യു. എസിന്റെ പിന്തുണ യുക്രെയ്‌നുണ്ടാകുമെന്ന് യു. എസ് പ്രതിരോധ സെക്രട്ടറി ലോയ്ഡ് ഓസ്റ്റിന്‍. യുക്രെയ്ന്‍ തലസ്ഥാനമായ കീവ് സന്ദര്‍ശിക്കവെയാണ് യു. എസിന് റഷ്യയുമായുള്ള യുദ്ധത്തില്‍ പിടിച്ചു നില്‍ക്കുന്നതിനാല്‍ അമേരിക്കയുടെ പിന്തുണ അദ്ദേഹം അറിയിച്ചത്. ഇക്കാര്യവുമായി ബന്ധപ്പെട്ട് പെന്റഗണാണ് പ്രസ്താവന പുറത്തിറക്കിയത്.
റഷ്യക്കെതിരായ പോരാട്ടത്തിന്റെ ഭാഗമായി യുക്രെയ്‌നിയന്‍ നേതാക്കളുമായി കൂടിക്കാഴ്ച നടത്താനും യുക്രെയ്‌നിന്റെ സ്വാതന്ത്ര്യത്തിനായുള്ള പോരാട്ടത്തിന് അമേരിക്കയുടെ ശക്തമായ പിന്തുണ ഓര്‍മപ്പെടുത്താനുമാണ് ഓസ്റ്റിന്‍ യുക്രെയ്ന്‍ സന്ദര്‍ശിച്ചതെന്ന് പെന്റഗണ്‍ പ്രസ്താവനയില്‍ പറഞ്ഞു.
റഷ്യന്‍ ആക്രമണത്തില്‍ സ്വയം പ്രതിരോധിക്കാന്‍ യുക്രെയ്നിന് ആവശ്യമായ സുരക്ഷാ സഹായം നല്‍കാനുള്ള യു. എസിന്റെ പ്രതിബദ്ധത ഓസ്റ്റിന്‍ സെലന്‍സ്‌കിയെ അറിയിച്ചു. റഷ്യ ആക്രമണം ആരംഭിച്ചതിന് ശേഷം ഓസ്റ്റിന്റെ യുക്രെയ്‌നിലേക്കുള്ള രണ്ടാമത്തെ യാത്രയാണിത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
യുദ്ധത്തിന്റെ തുടക്കം മുതല്‍ യു. എസ് യുക്രെയ്നിന് പതിനായിരക്കണക്കിന് ഡോളര്‍ സുരക്ഷാ സഹായമായി നല്‍കുകയും എത്ര കാലം നീണ്ടുനിന്നാലും കീവിനെ പിന്തുണയ്ക്കുമെന്ന് ആവര്‍ത്തിച്ച് പറയുകയും ചെയ്തു. കീവിനുള്ള ഏറ്റവും വലിയ സൈനിക സഹായ ദാതാവാണ് യു. എസ്.
