ചാരിറ്റി വീഡിയോയുടെ പേരിലും ഓൺലൈൻ തട്ടിപ്പ് ; വീഡിയോയിലെ ബാങ്ക് അക്കൗണ്ട് നമ്പറും ക്യു ആർ കോഡും മാറ്റിയാണ് തട്ടിപ്പ്
സ്വന്തം ലേഖകൻ
സാമൂഹ്യമാധ്യമങ്ങളിലെ ചാരിറ്റി വീഡിയോകളിൽ വ്യാജ വിവരങ്ങൾ നൽകി ഓൺലൈൻ തട്ടിപ്പ്. വീഡിയോയിലെ ബാങ്ക് അക്കൗണ്ട് നമ്പറും, ക്യു ആർ കോഡും മാറ്റിയാണ് തട്ടിപ്പ് നടത്തുന്നത്. അടിയന്തര ചികിത്സാ സഹായം ആവശ്യപ്പെട്ട് പ്രചരിക്കുന്ന വീഡിയോകളുടെ താഴെയുള്ള വിശദീകരണങ്ങളാണ് മാറ്റി നൽകി തട്ടിപ്പ് നടത്തുന്നത്.
തലശ്ശേരി സ്വദേശിയായ അമർഷാനെന്ന ചാരിറ്റി പ്രവർത്തകൻ അമർ ഷാൻ ഫൗണ്ടേഷന് വേണ്ടി പോസ്റ്റ് ചെയ്ത ചാരിറ്റി വീഡിയോകൾ പലതും ഉപയോഗിച്ച് തെട്ടിപ്പുകാർ പണം തട്ടിയെടുത്തെന്നാണ്‌ പരാതി. ചികിത്സാ സഹായത്തിനായി പണം ആവശ്യപ്പെട്ടുള്ള വീഡിയോകളിൽ ക്യൂ ആർ കൊടും അക്കൗണ്ട് നമ്പറും നല്കിയിട്ടുണ്ടാകും. ഈ വീഡിയോ ഡൌൺലോഡ് ചെയ്ത് അതിലെ വിവരങ്ങൾ എഡിറ്റ് ചെയ്താണ് തട്ടിപ്പ് നടത്തുന്നത്.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
അന്യഭാഷകളിൽ പോലുമുള്ള വീഡിയോകൾ ഉള്ളതിനാൽ ആളുകൾ വലിയ തോതിൽ പറ്റിക്കപ്പെടുകയാണ്. ഭാഷ പോലും മാറ്റാതെ വിവരങ്ങൾ മാറ്റിയാണ് ഓൺലൈൻ തട്ടിപ്പ് സംഘം തട്ടിപ്പ് നടത്തുന്നത്. ഈ തട്ടിപ്പ് വ്യാപകമായതോടെ അമർഷാൻ പൊലീസിൽ പരാതി നൽകിയിരിക്കുകയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
