ഐക്യരാഷ്ട്രസഭയുടെ ആസ്ഥാനത്ത് സംഘടിപ്പിക്കുന്ന അന്താരാഷ്ട്ര യുവ കാലാവസ്ഥാ നയതന്ത്ര സമ്മേളനത്തിലേക്ക് തിരഞ്ഞെടുക്കപ്പെട്ട വിദ്യാർഥികൾ യാത്രയ്ക്ക് മുന്നോടിയായി പ്രശസ്ത ചലച്ചിത്ര താരം മമ്മൂട്ടിയെ നേരിൽ കണ്ട് അനുഗ്രഹം തേടി.
കാക്കനാട് അസീസി വിദ്യാനികേതൻ പബ്ലിക് സ്കൂളിലെ അഞ്ച് വിദ്യാർഥികളാണ് കൊച്ചിയിലെത്തി നടനെ സന്ദർശിച്ചത്. ജനീവയിൽ വരുന്ന 19, 20 തീയതികളിൽ നടക്കുന്ന ഉന്നതതല സമ്മേളനത്തിൽ അവതരിപ്പിക്കുന്ന തങ്ങളുടെ ഔദ്യോഗിക പ്രബന്ധങ്ങളെക്കുറിച്ചുള്ള വിവരങ്ങൾ വിദ്യാർഥികൾ താരത്തോട് വിശദീകരിച്ചു.
‘നെറ്റ് സീറോ ഡിജിറ്റൽ ആൻഡ് ഇ വേസ്റ്റ്’ എന്ന ആശയത്തെ അടിസ്ഥാനമാക്കിയുള്ളതാണ് ഈ വിദ്യാർഥി സംഘം തയാറാക്കിയ പ്രത്യേക പദ്ധതി. ഈ നവീന ആശയം കണ്ടെത്തിയ കുട്ടികളെ നടൻ മമ്മൂട്ടി അഭിനന്ദിക്കുകയും ആശംസകൾ നേടുകയും ചെയ്തു.
അദ്വൈത് കൃഷ്ണൻ, അമേയ സജിത്, ആധ്യ ആന്റോ, നുമൈർ സുനൈസ്, അമർ ആന്റണി വിജയ് എന്നിവരാണ് ജനീവയിൽ നടക്കുന്ന ആഗോള പരിപാടിയിൽ പങ്കെടുക്കാനായി യാത്ര തിരിക്കുന്നത്. സ്കൂൾ അധ്യാപകരായ റോസ് മേരി ജോയ്, ടിൻസ മെറിൻ തോമസ് എന്നിവരുടെ നേതൃത്വത്തിലാണ് വിദ്യാർഥികൾ മമ്മൂട്ടിയെ സന്ദർശിക്കാനെത്തിയത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
