ലണ്ടന്‍: പ്രമുഖ സൂപ്പര്‍താരം ജൂഡ് ബെല്ലിംഗ്‌ഹാമിന്റെ സഹോദരന്‍ ജോബ് ബെല്ലിംഗ്‌ഹാം ഇംഗ്ലണ്ട് ദേശീയ ടീമിലേക്ക് ആദ്യമായി തിരഞ്ഞെടുക്കപ്പെട്ടു. യുവേഫ നേഷന്‍സ് ലീഗില്‍ ക്രൊയേഷ്യ, സ്പെയ്ന്‍ ടീമുകളെ നേരിടുന്നതിനായുള്ള ഇംഗ്ലണ്ട് ടീമിലാണ് യുവതാരത്തിന് അവസരം ലഭിച്ചിരിക്കുന്നത്.
അണ്ടര്‍ 16 തലം മുതല്‍ അണ്ടര്‍ 21 വരെയുള്ള വിവിധ പ്രായപരിധിയിലുള്ള ഇംഗ്ലണ്ട് ടീമുകള്‍ക്കായി ജോബ് ഇതിനോടകം പന്ത് തട്ടിയിട്ടുണ്ട്. ജര്‍മന്‍ ക്ലബ്ബായ ബോറുസിയ ഡോട്‌മുണ്ടിന്റെ താരമാണ് ജോബ് ബെല്ലിംഗ്‌ഹാം.
സഹോദരനൊപ്പം രാജ്യത്തിനായി ഒരേ ടീമില്‍ കളിക്കാന്‍ അവസരം ലഭിക്കുന്നത് ജോബിന്റെ കരിയറിലെ വലിയൊരു വഴിത്തിരിവായി മാറും. ഇവര്‍ക്ക് പുറമെ ഫുള്‍ഹാമിന്റെ അറ്റാക്കിങ് മിഡ്ഫീല്‍ഡറായ ജോഷ് കിങ് ആദ്യമായി ദേശീയ ടീമില്‍ ഇടംപിടിച്ചിട്ടുണ്ട്.
അതേസമയം, കോച്ച് തോമസ് ടുഹേല്‍ പ്രഖ്യാപിച്ച പുതിയ സ്‌ക്വാഡില്‍ ചെല്‍സിയുടെ പ്രമുഖ അറ്റാക്കിങ് മിഡ്ഫീല്‍ഡര്‍ കോള്‍ പാല്‍മര്‍ ഉള്‍പ്പെട്ടിട്ടില്ല. ഇടയ്ക്കിടെ അലട്ടുന്ന പരിക്കുകളെ തുടര്‍ന്ന് സെപ്റ്റംബറിലെ ടീം ക്യാമ്പിലും താരം പങ്കെടുത്തിരുന്നില്ല.
തുടര്‍ന്ന് ചെല്‍സി നിരയില്‍ തിരിച്ചെത്തിയ ശേഷം മികച്ച ഫോമിലേക്ക് ഉയര്‍ന്ന പാല്‍മര്‍, വിവിധ ചാമ്പ്യന്‍ഷിപ്പുകളിലായി കളിച്ച 11 മത്സരങ്ങളില്‍ നിന്ന് 5 ഗോളുകള്‍ നേടുകയും 3 ഗോളുകള്‍ക്ക് വഴിയൊരുക്കുകയും ചെയ്തിരുന്നു. എങ്കിലും പരിക്കുമൂലം ദേശീയ ക്യാമ്പില്‍ വിട്ടുനില്‍ക്കേണ്ടി വന്നതാണ് ടീമില്‍ ഇടം ലഭിക്കാതിരിക്കാൻ കാരണമായതെന്ന് കോച്ച് തോമസ് ടുഹേല്‍ വ്യക്തമാക്കി.
മാഞ്ചസ്റ്റര്‍ സിറ്റിയുടെ ഫില്‍ ഫോഡനും ഇംഗ്ലണ്ട് നിരയിലില്ല. ലോകകപ്പ് സ്‌ക്വാഡിലും പാല്‍മറും ഫോഡനും ഇടംപിടിച്ചിരുന്നില്ല.
നേഷന്‍സ് കപ്പ് ഗ്രൂപ്പ് സിയില്‍ നിലവില്‍ രണ്ടാം സ്ഥാനത്താണ് ഇംഗ്ലണ്ട് ടീം ഉള്ളത്. വരുന്ന നവംബര്‍ 12ന് വെംബ്ലി സ്റ്റേഡിയത്തിലാണ് ക്രൊയേഷ്യക്കെതിരെയുള്ള മത്സരം നടക്കുന്നത്.
തുടര്‍ന്ന് നവംബര്‍ 15ന് മാഡ്രിഡില്‍ വെച്ച് സ്പെയ്‌നെതിരെയും ഇംഗ്ലണ്ട് ഏറ്റുമുട്ടും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
