സംസ്ഥാനത്ത് നിത്യോപയോഗ സാധനങ്ങളുടെ വില കുതിച്ചുയരുന്നതുമൂലം സാധാരണക്കാരുടെ കുടുംബ ബജറ്റ് കടുത്ത പ്രതിസന്ധിയിലായി. കോഴിക്കോട് ജില്ലയിൽ പലവ്യഞ്ജനങ്ങൾക്കും പച്ചക്കറികൾക്കും ഒരുപോലെ വില വർധിച്ചുവരികയാണ്.
മൊത്തവ്യാപാര വിപണിയിൽ ദിവസേന വിലയിൽ വർധനവുണ്ടാകുന്നുണ്ടെന്നാണ് വ്യാപാരികൾ വ്യക്തമാക്കുന്നത്. വിപണിയിൽ അരിയുടെ വിലയിൽ കിലോഗ്രാമിന് 7 രൂപ മുതൽ 25 രൂപ വരെയാണ് വർധന രേഖപ്പെടുത്തിയിരിക്കുന്നത്.
ഇതിനുപുറമേ, പച്ചക്കറി വിപണിയിലും സ്ഥിതി സമാനമാണ്. മിക്ക പച്ചക്കറികൾക്കും കഴിഞ്ഞ ഒരു മാസമായി തുടർച്ചയായി വില ഉയർന്നുകൊണ്ടിരിക്കുകയാണെന്ന് വ്യാപാരികൾ ചൂണ്ടിക്കാണിക്കുന്നു.
അതേസമയം, കരിമ്പിന് അർഹമായ വില ലഭിക്കണമെന്നാവശ്യപ്പെട്ട് കർണാടകയിലെ പഞ്ചസാര കമ്പനികൾക്ക് മുന്നിൽ കർഷകർ അനിശ്ചിതകാല സമരം ആരംഭിച്ചിട്ടുണ്ട്. ആവശ്യമായ വില വർധന ലഭിക്കാതെ ഒരു ലോഡ് പഞ്ചസാര പോലും ഫാക്ടറികൾക്ക് പുറത്തേക്ക് കൊണ്ടുപോകില്ലെന്ന കർശന നിലപാടിലാണ് കർഷകർ ഇപ്പോൾ ഉള്ളത്.
പ്രതിസന്ധി പരിഹരിക്കാൻ മഹാരാഷ്ട്രയിൽ നിന്നുള്ള പഞ്ചസാര ലോഡുകൾ എത്തുമെന്നാണ് മൊത്തവ്യാപാരികളുടെ പ്രതീക്ഷ. പഞ്ചസാര വിലയിലെ ഈ വർധന വരാനിരിക്കുന്ന ദീപാവലി വിപണിയെയും പ്രതികൂലമായി ബാധിക്കാൻ സാധ്യതയുണ്ട്.
വിലക്കയറ്റം കാരണം ദീപാവലി മധുരപലഹാരങ്ങളുടെ വിലയും ഉയരാൻ ഇടയുണ്ടെന്നാണ് സൂചനകൾ.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
