ആപ്പിൾ ഡിവൈസുകൾ ഉപയോഗിക്കുന്നതോടൊപ്പം തന്നെ ആൻഡ്രോയിഡ് ഫോണുകൾ ഇഷ്ടപ്പെടുന്ന ഉപയോക്താക്കൾക്കായി പുതിയൊരു സാങ്കേതികവിദ്യ എത്തിയിരിക്കുന്നു. പരമ്പരാഗത എമുലേറ്ററുകളുടെ സഹായമില്ലാതെ ആപ്പിൾ സിലിക്കൺ മാക്കുകളിൽ നേരിട്ട് ആൻഡ്രോയിഡ് ആപ്പുകൾ പ്രവർത്തിപ്പിക്കാൻ സഹായിക്കുന്ന ഓപ്പൺ സോഴ്സ് പ്രോജക്റ്റായ Mac.apk ഇപ്പോൾ ശ്രദ്ധ നേടുന്നു.
ആൻഡ്രോയിഡ് നിർദ്ദേശങ്ങളെ മാക്കിന്റെ സിസ്റ്റം കോളുകളിലേക്ക് മാറ്റിയെടുത്താണ് ഈ ആപ്പ് പ്രവർത്തിക്കുന്നത്. ഈ ടൂൾ ഉപയോഗിച്ച് വളരെ എളുപ്പത്തിൽ മാക്കുകളിൽ ആൻഡ്രോയിഡ് ആപ്പുകൾ ഇൻസ്റ്റാൾ ചെയ്യാൻ സാധിക്കും.
DMG ഫയൽ ഡൗൺലോഡ് ചെയ്ത് ഇൻസ്റ്റാൾ ചെയ്ത ശേഷം, ഏത് ആൻഡ്രോയിഡ് എപികെ ഫയലും ഇതിലേക്ക് ഡ്രാഗ് ചെയ്ത് ഡെസ്ക്ടോപ്പ് ആപ്പായി മാറ്റാം. APKM, XAPK, APKS തുടങ്ങിയ പാക്കേജ് ഫോർമാറ്റുകളും ഇത് പിന്തുണയ്ക്കുന്നുണ്ട്.
ഇൻസ്റ്റാൾ ചെയ്യുന്ന ആപ്പുകൾ മാക്കിന്റെ ആപ്ലിക്കേഷൻസ് ഫോൾഡറിലും സ്പോട്ട്‌ലൈറ്റിലും ലഭ്യമാകും. പ്രമുഖ പോഡ്കാസ്റ്റ് ആപ്പായ Pocket Casts മാക്കിൽ പരീക്ഷിച്ചപ്പോൾ മികച്ച അനുഭവമാണ് ലഭിച്ചത്.
ഗൂഗിൾ അക്കൗണ്ട് വഴി ലോഗിൻ ചെയ്യാനുള്ള സൗകര്യമുള്ളതിനാൽ മറ്റ് ബുദ്ധിമുട്ടുകൾ ഒന്നും ഉണ്ടായില്ല. എന്നാൽ ആപ്പുകൾ സാധാരണയായി ലാൻഡ്സ്കേപ്പ് മോഡിൽ മാത്രമാണ് പ്രവർത്തിക്കുക എന്നൊരു പരിമിതി ഇതിലുണ്ട്.
റേഡിയോ സ്ട്രീമിംഗ് ആപ്പായ DI.FM പരീക്ഷിച്ചപ്പോൾ ചില സാങ്കേതിക തടസ്സങ്ങൾ നേരിട്ടെങ്കിലും, ആർക്കേഡ് ഗെയിമായ Crossy Road യാതൊരു ലാഗും തടസ്സവുമില്ലാതെ പ്രവർത്തിപ്പിക്കാൻ കഴിഞ്ഞു. ആൽഫ ഘട്ടത്തിലുള്ളതിനാൽ ചില ആപ്പുകളിൽ സപ്പോർട്ട് കുറവായിരിക്കാമെന്നും ഒരേ സമയം ഒരു ആൻഡ്രോയിഡ് ആപ്പ് മാത്രമേ പ്രവർത്തിപ്പിക്കാൻ സാധിക്കൂ എന്നും വിലയിരുത്തപ്പെടുന്നു.
എങ്കിലും, മാക്കിലും ആൻഡ്രോയിഡിലും ഒരുപോലെ സൗകര്യങ്ങൾ ആഗ്രഹിക്കുന്ന ഉപയോക്താക്കൾക്ക് തികച്ചും സൗജന്യമായി ലഭ്യമാകുന്ന ഈ സംവിധാനം ഏറെ പ്രയോജനപ്പെടുമെന്നാണ് വിലയിരുത്തപ്പെടുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
