അമൽ നീരദ് ചിത്രം ‘ബാച്ച്‌ലർ പാർട്ടി ഡുഎക്സ്’; ‘ശിശിരമോ’ ഗാനം പുറത്തിറങ്ങി

സംവിധായകൻ അമൽ നീരദ് സംവിധാനം ചെയ്യുന്ന പുതിയ ചിത്രമായ ‘ബാച്ച്‌ലർ പാർട്ടി ഡുഎക്സ്’ (Bachelor Party Deux) എന്ന സിനിമയിലെ രണ്ടാമത്തെ ഗാനം പുറത്തുവന്നു. ‘ശിശിരമോ’ എന്ന് തുടങ്ങുന്ന ലിറിക്കൽ ഗാനമാണ് അണിയറപ്രവർത്തകർ പുറത്തുവിട്ടിരിക്കുന്നത്.

ക്രിസ്റ്റോ സേവ്യർ സംഗീതം നൽകിയിരിക്കുന്ന ഈ ഗാനത്തിന് വരികൾ എഴുതിയിരിക്കുന്നത് വിനായക് ശശികുമാറാണ്. ഗാനം ആലപിച്ചിരിക്കുന്നത് ശക്തിശ്രീ ഗോപാലനാണ്.

ചിത്രത്തിൽ നിന്നും ഇതിനുമുമ്പ് പുറത്തിറങ്ങിയ ‘വാഴ്‍വേ മായം’ എന്ന ആദ്യ ഗാനം പ്രേക്ഷകർക്കിടയിൽ ഏറെ ശ്രദ്ധിക്കപ്പെട്ടിരുന്നു. നവംബർ 19 – നാണ് ചിത്രം ലോകമെമ്പാടുമുള്ള തിയേറ്ററുകളിൽ റിലീസ് ചെയ്യുന്നത്.

ചിത്രത്തിലെ താരങ്ങളുടെ ക്യാരക്ടർ പോസ്റ്ററുകൾ ഇതിനോടകം തന്നെ സമൂഹമാധ്യമങ്ങളിൽ വലിയ തരംഗം സൃഷ്ടിച്ചിട്ടുണ്ട്. നടന്മാരായ കുഞ്ചാക്കോ ബോബൻ, ടൊവിനോ തോമസ്, നസ്‌ലൻ, സൗബിൻ ഷാഹിർ, ശറഫുദ്ദീൻ, ശ്രീനാഥ് ഭാസി, ചന്തു സലീംകുമാർ, ഷൈൻ ടോം ചാക്കോ എന്നിവരും നടിമാരായ നാദിയ മൊയ്തു, രജീഷ വിജയൻ, ജ്യോതിർമയി, ഹൻസിക കൃഷ്ണകുമാർ, പാരിസ് ലക്ഷ്മി തുടങ്ങിയ നീണ്ട

താരനിരയാണ് ചിത്രത്തിൽ അണിനിരക്കുന്നത്. 2012-ൽ പുറത്തിറങ്ങി വൻ വിജയമായ ആക്ഷൻ ചിത്രത്തിന്റെ രണ്ടാം ഭാഗമായാണ് 14 വർഷങ്ങൾക്ക് ശേഷം ഈ ചിത്രം എത്തുന്നത്.

പുതുതലമുറയുടെ വൈബിനൊപ്പം റെഡ്-ഗോൾഡൻ റെട്രോ പശ്ചാത്തലത്തിലാണ് സിനിമ ഒരുക്കിയിരിക്കുന്നത്. ഫ്രഞ്ച് ഭാഷയിൽ ‘രണ്ട്’ എന്നും ‘അവരുടെ’ അല്ലെങ്കിൽ ‘അവരെ കുറിച്ച്’ എന്നുമാണ് ‘ഡുഎക്സ്’ (D’EUX) എന്ന വാക്കിന്റെ അർത്ഥം.

അമൽ നീരദ് പ്രൊഡക്ഷൻസ്, അൻവർ റഷീദ് എന്‍റർടെയ്ൻമെന്‍റ്സ്, ഫഹദ് ഫാസിൽ ആൻഡ് ഫ്രണ്ട്സ് എന്നീ ബാനറുകൾ സംയുക്തമായാണ് ചിത്രം നിർമ്മിക്കുന്നത്. ചിത്രത്തിന്റെ അണിയറപ്രവർത്തകർ ഇവരാണ്: ഛായാഗ്രഹണം: അപ്പു പ്രഭാകർ, എ‍ഡിറ്റർ: വിവേക് ഹർഷൻ, സംഗീതം: ക്രിസ്റ്റോ സേവ്യർ, സംഭാഷണം: ഉണ്ണി ആർ, സൗണ്ട് ഡിസൈൻ: തപസ് നായക്, പ്രൊഡക്ഷൻ ഡിസൈൻ: ജോസഫ് നെല്ലിക്കൽ, ഗാനരചന: റഫീഖ് അഹമ്മദ്, വിനായക് ശശികുമാർ, കോസ്റ്റ്യൂം: മഷർ ഹംസ, മേക്കപ്പ്: റോണക്സ് സേവ്യർ, പിആർഒ: ആതിര ദിൽജിത്ത്.