ലോകമെമ്പാടുമുള്ള ദൃശ്യവിരുന്നുകളില്‍ ഏറെ പ്രശസ്തമായ എച്ച്ബിഒയുടെ ക്രൈം ഡ്രാമ വെബ് സിരീസ് ട്രൂ ഡിറ്റക്റ്റീവ് അഞ്ചാം സീസണിനൊരുങ്ങുന്നു. ഈ പുതിയ പരമ്പരയില്‍ ഹോളിവുഡ് നടന്‍ നിക്കോളാസ് കേജ്, സ്പാനിഷ് താരം അന്‍റോണിയോ ബാണ്ടെരസ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
പ്രമുഖ പ്ലാറ്റ്‌ഫോമായ എച്ച്ബിഒ മാക്സ് ആണ് ഈ പ്രമുഖ താരങ്ങളുടെ സാന്നിധ്യം ഔദ്യോഗികമായി സ്ഥിരീകരിച്ചിരിക്കുന്നത്. ആന്തോളജി ക്രൈം ഡ്രാമ വിഭാഗത്തില്‍പ്പെടുന്ന ഈ സിരീസിന്റെ ഓരോ സീസണും തികച്ചും വ്യത്യസ്തമായ കഥകളും പുതിയ താരനിരയുമായാണ് പ്രേക്ഷകരിലേക്ക് എത്താറുള്ളത്.
വരാനിരിക്കുന്ന അഞ്ചാം സീസണിന്റെ പ്രൊഡക്ഷന്‍ പ്രവര്‍ത്തനങ്ങള്‍ 2027-ല്‍ ആരംഭിക്കുമെന്നാണ് അണിയറപ്രവര്‍ത്തകര്‍ അറിയിച്ചിട്ടുള്ളത്. 2024-ല്‍ പുറത്തിറങ്ങിയ നാലാം സീസണിന്റെ ഷോ റണ്ണര്‍ ആയിരുന്ന ഇസ ലോപ്പസ് തന്നെയാണ് പുതിയ സീസണിലും ഈ ചുമതല നിര്‍വഹിക്കുന്നത്.
സിരീസിന്റെ മറ്റു വിശദാംശങ്ങള്‍ പൂര്‍ണ്ണമായി പുറത്തുവന്നിട്ടില്ലെങ്കിലും കഥാപശ്ചാത്തലം സംബന്ധിച്ച ചില സൂചനകള്‍ ലഭ്യമായിട്ടുണ്ട്. ന്യൂയോര്‍ക്കിലെ ജമൈക്ക ബേ ആണ് അഞ്ചാം സീസണിന്റെ പ്രധാന പശ്ചാത്തലം.
ഇതില്‍ അന്‍റോണിയോ ബാണ്ടെരസ് അവതരിപ്പിക്കുന്ന കഥാപാത്രത്തിന്റെ പേര് റായ് ഗാര്‍സിയ എന്നാണ്. നിക്കോളാസ് കേജ് അഭിനയിക്കുന്ന കഥാപാത്രത്തിന്റെ പേര് ഹെന്‍‍റി ലോഗന്‍ എന്നും അറിയAയിച്ചിട്ടുണ്ട്.
മുന്‍കാല സീസണുകളും അവയുടെ പ്രത്യേകതകളും ശ്രദ്ധേയമാണ്. 2024-ല്‍ എത്തിയ ആദ്യ സീസണില്‍ മാത്യു മക്കോണഹേ, വുഡി ഹാരെല്‍സണ്‍, മിഷേല്‍ മൊണഹന്‍, മൈക്കള്‍ പോട്ട്സ് തുടങ്ങിയവരാണ് പ്രധാന വേഷങ്ങളില്‍ എത്തിയത്.
ഒരു സീരിയല്‍ കില്ലറെ കണ്ടെത്താനുള്ള ലൂസിയാന പൊലീസ് ഉദ്യേഗസ്ഥരുടെ ശ്രമങ്ങളായിരുന്നു ഈ ആദ്യ സീസണിന്റെ പ്രധാന പ്രമേയം. തുടര്‍ന്ന് 2015-ല്‍ പുറത്തിറങ്ങിയ രണ്ടാം സീസണില്‍ കോളിന്‍ ഫാരെല്‍, റേച്ചല്‍ മക്ആഡംസ്, ടെയ്ലര്‍ കിച്ച് തുടങ്ങിയവര്‍ വേഷമിട്ടു.
കാലിഫോര്‍ണിയ ആയിരുന്നു അന്ന് പശ്ചാത്തലമായി മാറിയത്. പിന്നീട് 2019-ല്‍ എത്തിയ മൂന്നാം സീസണില്‍ മഹര്‍ഷല അലി, കാര്‍മെന്‍ ഇജോഗോ, സ്റ്റീഫന്‍ ഡോഫ് തുടങ്ങിയ പ്രമുഖരാണ് അണിനിരന്നത്.
ഓസാക്സ് ആയിരുന്നു ഈ സീസണിന്റെ പശ്ചാത്തലം. ‘നൈറ്റ് കണ്‍ട്രി’ എന്ന പേരില്‍ 2024-ല്‍ എത്തിയ നാലാം സീസണില്‍ ജോഡി ഫോസ്റ്ററും കെയ്‍ലി റീസുമാണ് പ്രധാന കഥാപാത്രങ്ങളെ അവതരിപ്പിച്ചത്.
അലാസ്കയായിരുന്നു അന്ന് കഥയുടെ പശ്ചാത്തലമായി മാറിയത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
