ന്യൂ ചണ്ഡീഗഢിൽ നടന്ന ദേശീയ വനിതാ അണ്ടർ 19 ചാമ്പ്യൻഷിപ്പിലെ ലീഗ് ഘട്ടത്തിലെ അവസാന മത്സരത്തിൽ കേരളത്തിന് തിളക്കമാർന്ന വിജയം. മിസോറാമിനെ ഒൻപത് വിക്കറ്റിന്റെ വലിയ വിജയമാണ് കേരള ടീം പരാജയപ്പെടുത്തിയത്.
മത്സരത്തിൽ ആദ്യം ബാറ്റ് ചെയ്ത മിസോറാം ടീമിനെ വെറും 83 റൺസിൽ കേരള ബൗളർമാർ ഒതുക്കുകയായിരുന്നു. തുടർന്ന് മറുപടി ബാറ്റിംഗിനിറങ്ങിയ കേരളം, 37 പന്തുകൾ ബാക്കിനിൽക്കെ ഒരു വിക്കറ്റ് നഷ്ടത്തിൽ ലക്ഷ്യം കാണുകയും ചെയ്തു.
അവസാന മത്സരത്തിൽ മികച്ച പ്രകടനം കാഴ്ചവെച്ച് വിജയം സ്വന്തമാക്കാൻ സാധിച്ചെങ്കിലും, കേരളത്തിന് ടൂർണമെന്റിന്റെ നോക്കൗട്ട് ഘത്തിലേക്ക് പ്രവേശനം നേടാനായില്ല. ആകെ കളിച്ച അഞ്ച് മത്സരങ്ങളിൽ നിന്നായി എട്ട് പോയിന്റ് നേടിയ കേരളം ഗ്രൂപ്പിൽ അഞ്ചാം സ്ഥാനക്കാരായാണ് ടൂർണമെന്റിൽ നിന്ന് പുറത്തായത്.
മത്സരത്തിന്റെ സ്കോർ വിവരങ്ങൾ: മിസോറാം 20 ഓവറിൽ 8 തവണ വിക്കറ്റ് നഷ്ടപ്പെടുത്തി 83/8 റൺസ് എടുത്തപ്പോൾ, കേരളം 13.5 ഓവറിൽ ഒരു വിക്കറ്റ് നഷ്ടത്തിൽ 87/1 റൺസ് നേടി വിജയം ഉറപ്പിച്ചു. ആദ്യം ബാറ്റിംഗിനെത്തിയ മിസോറാം നിരയിൽ മൂന്ന് താരങ്ങൾ മാത്രമാണ് രണ്ടക്കം കടന്നത്.
27 റൺസ് എടുത്ത സെൻ ആണ് മിസോറാമിന്റെ ടോപ് സ്കോറർ ആയത്. കേരളത്തിന് വേണ്ടി മികച്ച പന്തേറിലൂടെ പാർവതി കുഞ്ഞുമോൻ, അനുഷ്ക സി.വി., ഇഷിത എന്നിവർ രണ്ട് വിക്കറ്റ് വീതം വീഴ്ത്തി എതിരാളികളെ തളച്ചു.
ലക്ഷ്യത്തിലേക്ക് ബാറ്റേന്തിയ കേരളം 13.5 ഓവറിൽ അനായാസമാണ് വിജയം സ്വന്തമാക്കിയത്. അമീറ ബീഗം 36 റൺസും ആര്യനന്ദ എൻ.എസ്.
18 റൺസും നേടി പുറത്താകാതെ നിന്നു. ക്യാപ്റ്റൻ ശ്രേയ സിജു 19 റൺസെടുത്താണ് പുറത്തായത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
